Мегино-Кангаласский краеведческий музей имени Романа Гаврильевича Васильева
Образование · 10 апреля 2026 г.
💠 Вера Санникова – Мичийээнэ сөбүлүүр дьарыгын таба тайаммытыттан астынар — 10 апреля 2026 г. в 04:25:27.316
💠 Вера Санникова – Мичийээнэ сөбүлүүр дьарыгын таба тайаммытыттан астынар 6️⃣5️⃣🌿 Майа олохтоох дьаһалтатын уонна “Түмэн” уопсастыбаннай холбоһук көҕүлээһиннэринэн, кулун тутар 28 күнүгэр Р.Г.Васильев аатынан кыраайы үөрэтэр түмэлгэ биир дойдулаахпыт, РФ Худуоһунньуктарын сойууһун чилиэнэ, СӨ култууратын туйгуна, норуот маастара, “Айар кут” эригийиэннээҕи хоһоон уонна кэпсээн суруйааччыларын сойууһун чилиэнэ, өрөспүүбүлүкэтээҕи “Ситим” көҥүл суруйааччылар сойуустарын чилиэнэ, үлэ бэтэрээнэ Вера Санникова – Мичийээнэ 65 сааһынан уонна айар үлэтин 35 сылынан “Ийэ кутум кустуга” айар үлэтин быыстапката турда. Бу күн ыраахтан-чугастан айар куттаах доҕотторо, “Уран Майа” иистэнньэҥнэр түмсүүлэриттэн, оскуолаҕа бииргэ үөрэммиттэри сэргэ салайааччылар эҕэрдэлии кэллилэр. 🔸 “Ийэ кутум кустуга” сырдыгынан сыдьаайар айар үлэтин быыстапкатыгар саха таҥаһын арааһа, бууктаах, оҕуруолаах, түүлээхтэн соннор, сарыы этэрбэс, бэрчээкки, айылҕа күндү таастарыттан хартыыналар, мастан, муостан оҥоһуктар, кылтан-сиэлтэн үлэлэр, чаппараах, кычымнар, төрөөбүт айылҕатын кэрэтин, олоххо тапталын, ийэтигэр, аҕатыгар анаан, суруйбут хоһооннорун кинигэлэрэ, уруһуйунан хартыыналара, наҕараадалара, о.д.а. туруоруллубуттар. Быыстапка кэмигэр Галина Захаренко Майаҕа кэлэн уһулбут “Дворы нашего детства” биэриититтэн “Художник Вера Санникова” киинэ холбонон, көрөөччү сэҥээриитин ылла. 🔸Үбүлүөйдээх дааталарынан сибээстээн эҥкилэ суох айа-тута, саха норуотун уус-уран маастарыстыбатын тарҕата сылдьар үлэтин биир дойдулаахтарыгар көрдөрөр быыстапкатынан, талба талаанынан аан дойдуга тиийэ дойдутун аатын өрө тута сылдьарын, төрөөбүт дойдутугар, улууһугар култуура эйгэтэ сайдыытыгар сүҥкэн кылаатын сыаналаан, махтанан, Г.Г.Колесов аатынан улуустааҕы Олоҥхо дьиэтин салайааччыта Айта Васильева норуот маастарыгар Вера Санниковаҕа – Мичийээнэҕэ “Төрүт үгэһи тарҕатааччы”, Майа сэлиэнньэтин дьаһалтатын аатыттан сүрүннүүр исписэлиис Виктория Федорова “Майа – дойдум барахсан” бэлиэлэри үөрүүлээхтик туттардылар. Р.Г.Васильев аатынан кыраайы үөрэтэр түмэл салайааччыта Анастасия Федорова, “Уран Майа” иистэнньэҥнэрэ Надежда Сергеева, Мария Шипошина, Марфа Решетникова, “Айар Майа” литературнай түмсүүттэн Марелла Баишева, үөрэппит учуутала Розалия Макарова, бииргэ үөрэммиттэрэ Екатерина Аммосова, Антонина Федорова, Светлана Лыткина, о.д.а. эҕэрдэлээн өйдөбүнньүк бэлэхтэрин, сибэкки дьөрбөтүн туттардылар. Сиһилии ⬅️ @gazetaerkeii @ulusmedia