Бүгүн тыыл уонна педагогическай үлэ бэтэрээнэ, сэрии сылларын оҕото, Төҥүлү нэһилиэгин ... — 15 июля 2026 г. в 00:10:10.908
Бүгүн тыыл уонна педагогическай үлэ бэтэрээнэ, сэрии сылларын оҕото, Төҥүлү нэһилиэгин Бочуоттаах олохтооҕо Варвара Иннокентьевна Стручкова үбүлүөйдээх 95 сааһын туолбут күнүнэн улуус баһылыгын, салалтатын, дьокутааттарын Сэбиэтин үтүө үлэһит дьоно-сэргэтин ааттарыттан итиитик-истиҥник эҕэрдэлиибит! Варвара Иннокентьевна 1931 сыллаахха Долуу нэһилиэгэр күн сирин көрбүтэ. 1958 с. Дьокускадааҕы педагогическай үнстүтүүтү бүтэрэн, Физкультура учууталынан сэттэ кылаастаах Дьабыыл оскуолатыгар үлэтин саҕалаабыта. Төҥүлү оҕо уһуйааныгар биэнсийэҕэ тахсыар диэри баспытаатылынан олус таһаарыылаахтык үлэлээбитэ. Бырагырааммалар, ньымалар суох кэмнэригэр айан туппут үлэтэ, үүнэр көлүөнэ доруобуйатыгар уһулуччу кылаата бүтүн өрөспүүбүлүкэҕэ билиниллибитэ. Оҕону эрчийиигэ, хамсаныыга көрүүтэ олус үчүгэй түмүктэри биэрбитэ: ыарыы аччаабыта, иитиллээччилэр доруобуйалара бөҕөргөөбүтэ, өрөспүүбүлүкэ таһымыгар биллибитэ. Варвара Иннокентьевна 5 оҕо күн-күбэй ийэтэ, билигин 13 сиэннээх, 27 хос сиэн күн күбэй эбэтэ. Үйэтин тухары уопсастыбаннай олоҕу өрө тутан, үлэнэн дьоллонон олорбут киһибит барыбытыгар үтүө холобур буолар. Ытыктабыллаах Варвара Иннокентьевна! Сыралаах, таһаарыылаах үлэҕэр истиҥник махтанан туран, дьолу-соргуну, өрүү чэбдик сылдьаргар, инникитин даҕаны кэнчээри ыччаккар үүннээх-тэһииннээх үтүө тылгын иһитиннэрэ, сүбэ-ама буола тураргар баҕарабын! Тус бэйэҕэр уонна чугас дьоҥҥор чэгиэн туругу, этэҥҥэ буолууну, эйэлээх халлааны, бары үтүөнү! Пресс‑служба администрации МР «Мегино‑Кангаласский улус»