Хорообут орто оскуолатыгар агротехнологическай кылаас арыллыыта – кэскиллээх сайдыы түс... — 15 сентября 2026 г. в 03:23:40.397
Хорообут орто оскуолатыгар агротехнологическай кылаас арыллыыта – кэскиллээх сайдыы түстэниитэ! Бүгүн, балаҕан ыйын 15 күнүгэр, Мэҥэ-Хаҥалас улууһун Хорообут орто оскуолатыгар агротехнологическай кылаас аһыллыытын үөрүүлээх тэрээһинэ буолла. Бу кэскиллээх бырайыак тыа хаһаайыстыбатын сайдыытыгар, эдэр ыччаты үлэҕэ-хамнаска уһуйууга улахан суолтаны ылыаҕа. Тэриллибит кылаас сүрүн сыала-соруга: биотехнология уонна оҥорон таһаарыы үлэтин баһылыыр кыахтаах үөрэнээччилэри үөрэтэн-иитэн таһаарыы. Сүрүн социальнай партнёрдарбыт: • СХПК «Алаас Ас» хаһаайыстыба, салайааччыта Шестаков Святоний Геннадьевич. • ООО «Хорообут» хаһаайыстыба, салайааччыта Плотников Григорий Прокопьевич. Бу кылаас уратыта диэн, киэҥник биологияны уонна химияны үөрэтэр буолар. Үөрэх кэмигэр, нэдиэлэҕэ биирдэ «Алаас Ас» сельскохозяйственнай потребительскай кооперативка тахсан практическай дьарыгы бараллар. Манна үөрэнээччилэр улахан станоктары, тымнытар тэриллэри туһанары билсэллэр. Үүт аналиһын сатаан ылар, сыатын бэрэбиэркэлии, үүт араас бородууксуйатын оҥорор ньымалары баһылыахтара. Бу дьоһуннаах күн ыалдьыттарынан буоллулар: • Мэҥэ Хаҥалас улууһун аҕа баһылыга – Тихонов Дмитрий Иванович. • Саха өрөспүүбүлүкэтин бырабыыталыстыбатын бэрэссэдээтэлин солбуйааччыта – Местников Сергей Васильевич. • Тыа хаһаайыстыбатын миниистирэ – Стручкова Анна Александровна. • Ил Түмэн депутата – Никитин Захар Николаевич. • Үөрэх салалтатын салайааччыта Плотникова Ирина Михайловна Агротехнологическай кылаас аһыллыыта – Хорообут оскуолатыгар эрэ буолбакка, бүтүн улуус уонна өрөспүүбүлүкэ тыатын хаһаайыстыбатын сайдыытыгар улахан хардыы буолар! Эдэр ыччаппыт билимҥэ тардыһыыта, төрөөбүт сиригэр үлэлээх буолуута кэскиллээх олоҕу түстүөҕэ! Матырыйаалы бэлэмнээтэ Дмитрий Таас аатынан орто оскуола дириэктэри иитэр үлэҕэ сүбэһитэ Сергучева А.С.