Үөрэх тэрилтэлэригэр Аҕам саастаахтар дэкээдэлэригэр үтүө дьыала аахсыйалара ситиһиилээ...
Үөрэх тэрилтэлэригэр Аҕам саастаахтар дэкээдэлэригэр үтүө дьыала аахсыйалара ситиһиилээхтик ыытылыннылар. Алтынньы 5–10 күннэригэр Аҕам саастаахтар дэкээдэлэрин чэрчитинэн уонна олохтоох дьаһалта көҕүлээһининэн үөрэх уонна уһуйаан тэрилтэлэрин кэлэктииптэрэ бэтэрээннэргэ, дойдуну көмүскээччилэргэ уонна кырдьаҕастарга анаммыт үтүө дьыалалары көхтөөхтүк толордулар. Ол курдук, «Кэнчээри» оҕону сайыннарар киин үс сүрүн хайысханан үлэлээтэ: Тимуровскай көмө оҥоһуллунна, анал байыаннай дьайыы кыттыылаахтарыгар олохтоох дьаһалтаҕа «Дойдум отоно» аахсыйанан сироп оҥорорго анаан отон хомуйдулар уонна Маттаҕа кырдьаҕастар дьиэлэригэр остуол оонньууларын, кинигэлэри бэлэхтээтилэр. Майатааҕы «Сардаана» уһуйаан Тимуровскай үлэнэн аҕам саастаах бэтэрээннэригэр көмөлөстө, Балыктаах оскуолатын эдэр учууталлара кырдьаҕастарга субуотунньуктаатылар, онтон Бырама оскуолатын үлэһиттэрэ бэтэрээн Слепцова П.А. кыстыыр маһын саһааннаатылар. Убаастабыллаах кэллиэгэлэрбит!Эһиги амарах санааҕыт, сылаас сыһыаҥҥыт барыбытыгар үтүө холобур буолар!