Оскуолабытыгар Саха Өрөспүүбүлүкэтин күнүн бэлиэтээтибит — 24 апреля 2026 г. в 06:22:53.273
Оскуолабытыгар Саха Өрөспүүбүлүкэтин күнүн бэлиэтээтибит Муус устар 24 күнүгэр оскуолабытыгар Саха Өрөспүүбүлүкэтин судаарыстыбаннаһын күнүгэр аналлаах үрдүк таһымнаах тэрээһиннэр буолан аастылар. Бу күн Саха сирин автономията төрүттэммитэ 104 сылын уонна Саха Өрөспүүбүлүкэтин Төрүт Сокуона (Конституцията) ылыныллыбыта 34 сылын бэлиэтээтибит. 🔵 Үөрүүлээх линейка Күнү үөрүүлээх линейкаттан саҕалаатыбыт. Россия уонна Саха өрөспүүбүлүкэтин өрөгөй ырыалара дорҕоонноохтук иһилиннилэр.Оскуола дириэктэрэ Анисия Семеновна барыбытын бырааһынньыгынан истиҥник эҕэрдэлээтэ. 📖 Биир саамай интэриэһинэй тэрээһининэн оскуолабыт библиотекара Нюргуяна Анатольевна ыытта «Муус устар 27 күнэ — Республика күнэ» диэн библиотечнай уруога буолла. Уруок кэмигэр Нюргуяна Анатольевна Сахабыт сирин устуоруйатын, автономияны төрүттээбит улуу дьоммут тустарынан сиһилии кэпсээтэ. Уруок иккис чааһыгар оҕолор билиилэрин тургутан «Саха сирин төһө билэҕин?» диэн интерактивнай викторина ыытылынна. Викторина түмүгүнэн: * 🏆 Бастакы миэстэни — 10-с кылаас үөрэнээччитэ Вика Петрова ылла. Оҕолор бары олус көхтөөхтүк кытыннылар, дойдубут устуоруйатын туһунан элбэх саҥаны биллилэр. Бу курдук тэрээһиннэр оҕолор төрөөбүт дойдуларынан киэн тутар буола улааталларыгар улахан суолталаахтар. 🤝 Акцияларга кыттыы Бу күн үөрэнээччилэрбит уонна учууталларбыт кэлим акцияларга көхтөөхтүк кыттыыны ыллылар: * «Сахалыы таҥас»: Оскуолабыт иһигэр бары сахалыы мааны таҥастаах сылдьан, төрүт култуурабытын өрө туттубут. * Оскуолабыт үөрэнээччилэрэ , учууталлар уонна сүбэһит (советник) «Якутия, я люблю тебя!» өрөспүүбүлүкэтээҕи патриотическай акцияҕа кыттыыны ыллылар. Бу тэрээһини «Навигаторы детства» федеральнай проект региональнай офиһа Саха Өрөспүүбүлүкэтин күнүгэр анаан тэрийдэ. Акция иһинэн видео уһулунна. Бу курдук аныгы хабааннаах тэрээһиннэр оҕолорго ийэ дойдуга бэриниилээх буолууну уонна гражданскай эппиэтинэһи иҥэрэллэр. Барыбытыгар Сахабыт сирэ өссө күүскэ сайдарын, чэчириирин баҕарабыт!💙🤍❤️💚 #Навигаторыдетства #Навигаторыдетства14 #Минпросвещения #Росдетцентр #позовусердцаидуши14 #ДеньРеспубликиСаха(Якутия) #ЯкутияЯЛюблюТебяНД