Оскуолабытыгар ФИЗКУЛЬТУРА нэдиэлэтэ умнуллубат түгэннэринэн баай буолла. Нэдиэлэни Спи... — 23 апреля 2026 г. в 11:01:24.414
Оскуолабытыгар ФИЗКУЛЬТУРА нэдиэлэтэ умнуллубат түгэннэринэн баай буолла. Нэдиэлэни Спиридон Дмитриевич олус бэркэ тэрийэн ыытта. Ол курдук нэдиэлэ саҕаланыытыгар, оҕолорбутун спорт эйгэтигэр билиилэрин тургутар викторина ыытта. Манна оҕолор интэриэһинэй ыйытыыларга хоруйдаан, элбэх саҥаны биллилэр. Салгыы, биһиэхэ Сунтаар адаптивнай спордун старшай тренера Афанасий Терентьевич Жараев ыалдьыттаан, оҕолорбутугар олорон эрэ волейболга маастар-кылаас ыытта. Бу ураты оонньуу оҕолорго спорт хааччаҕа суоҕун, киһи тугу барытын кыайарын көрдөрдө. Ону таһынан, муус устар 23 күнэ, аан дойдуга остуол тенниһын күнүнэн биллэр. Бу күн Спиридон Дмитриевич оҕолор икки ардыларыгар теннискэ күүстээх күрэҕи ыытта. Оҕолорбут сымсаларын, түргэн хамсаныыларын уонна теннис оонньуутугар дьоҕурдарын көрдөрдүлэр. Теннис күнүгэр аналлаах күрэх түмүгүнэн: • I миэстэ — Оленов Эрчимэн 5 кылаас • II миэстэ — Ымычанов Тулусхан 7 кылаас • III миэстэ — Иванов Сарыал 7 кылаас буоллулар. Кыайыылаахтарбытын эҕэрдэлиибит! Бу нэдиэлэ — оҕолорбут чөл олохтоох дьон буола улааталларыгар бигэ тирэх буолуо диэн эрэнэбит.