МКУ «Департамент культуры и молодежной политики» МР «Нюрбинский район» РС(Я)
Новости · 17 июня 2026 г.
_*Киэҥ Ньурба киэлитигэр, ытык сиригэр-буоругар М.К. Аммосов аатынан ХИФУ Аан дойду нор... — 17 июня 2026 г. в 10:25:11.254
_*Киэҥ Ньурба киэлитигэр, ытык сиригэр-буоругар М.К. Аммосов аатынан ХИФУ Аан дойду норуоттарын икки ардыларынааҕы таһымнаах экспедицията ыалдьыттаата.*_ _Саха норуотун олоҕун-дьаһаҕын, тылын, фольклорун, талба талаанын, норуот тылынан уус-уран айымньытын, аһын-үөлүн, дьарыгын чинчийии дириҥ суолталаах, норуот инники сайдыытыгар төһүү буолар кыахтаах. Бүлүү эбэ сүнньүгэр олохтоох дьон-сэргэ дьарыгын туһунан чинчийэр Аан дойду норуоттарын икки ардыларынааҕы таһымнаах, филология билимин дуоктара, дассыан *Ефимова Людмила Спиридоновна* салайааччылаах экспедицияҕа Турция Республикатын Анкара университетын аспирана, ХИФУ бэлэмнэнии куурсун истээччитэ *Хулйа Челиктэнйылдыз*, Турция Республикатын Анкара университетын филология билимин дуоктара *Исмэт Кылыч*, ХИФУ аспирана, С.А. Зверев-Кыыл Уолун айар үлэтин чинчийээччи, Аартыкатааҕы эпос уонна ускуустуба киинин сүрүн үлэһитэ *Зверева Евдокия Викторовна* Ньурба оройуонугар үлэлии сылдьаллар._ _Бэҕэһээ *Хаҥалас, Үөдэй* нэһилиэктэригэр ыалдьыттаан, түмэллэрин көрөн, сөҕөн-махтайан киирдилэр. Бүгүҥҥү күннэрин *К.Д. Уткин аатынан Ньурбатааҕы норуоттар доҕордоһууларын түмэлиттэн* саҕалаатылар. Экспедиция салайааччыта Людмила Спиридоновна: "Олус үчүгэй түмэлгэ бириэмэ биллибэккэ ааста, түмэл салайааччыта Анна Андреевна кэпсиирэ да үчүгэйэ бэрт", - диэн бэлиэтээтэ._ _Салгыы *Ньурбатааҕы кииннэммит библиотека ситимигэр, Ньурба оройуонун култуура уонна ыччат бэлиитикэтин департаменыгар* ыалдьыттаан, кэпсэтэн баран, Ньурба куоратыгар үлэлии-хамсыы турар Уус кыһатыгар, тимир уустара *Иван Саввиновы, Арсений Иванову* кытары көрсүһүүгэ бардылар._ _Экспедиция үлэтэ үтүө түмүктээх, ситиһиилээх буоларыгар, элбэх саҥаны билэн-көрөн, үөрэтэн, чинчийэн, сарсыҥҥыга эрэллээх, саҥа саҕахтары саҕар, ситиһии сиэтиилээх, табыллыы тайаныылаах үлэни-хамнаһы баҕарабыт!_ _*Ньурба оройуонун култуураҕа уонна ыччат бэлиитикэтигэр департамена*_