МКУ «Департамент культуры и молодежной политики» МР «Нюрбинский район» РС(Я)
Новости · 25 апреля 2026 г.
«Түмсүүнэн Сайдыыга, Үлэнэн Үрдэлгэ» — 25 апреля 2026 г. в 09:07:37.886
«Түмсүүнэн Сайдыыга, Үлэнэн Үрдэлгэ» Ааспыт бэйэни салайыныы күннэригэр, 2026 сыл муус устар 21-23 күннэригэр, түмсүүбүт бу кэрэхсэбиллээх тэрээһини ыытта. Биһиги, волонтердар корпустара уонна "Олоҥхо" медиа оскуола иитиллээччилэрэ Ньурба оройуонун Култуараҕа уонна ыччат бэлиитикэтин департаменыгар үс күн үлэлээн көрдүбүт. Бу түгэн эдэр талааннарга бэйэлэрин көрдөрөргө уонна сатабылларын таһаарарга тоҕоостоох буолла. Бастакы күн: Үлэ саҕаланыыта Тэрээһиммит бастакы күнүгэр билсиһэр көрсүһүү буолла, онно биһиги бэйэни салайыныыбыт үлэтэ хайдах тэриллибитин кэпсэттибит. Кыттааччылар инникитин туохха болҕомтобутун уурарбыт туһунан санааларын уонна этиилэрин үллэстибиттэрэ. Бу күн былааммытыгар «Оһуокайдаан Ойуох-2026» тэрээһини киллэрдибит, ол бырааһынньыкпыт дьоһун түгэнэ буолла. Иккис күн: Улуус депутаттарын субэтин кытары үлэ Иккис күн хамаандабытын олохтоох улуус депутаттарын субэтин бэрэссэдээтэлэ Михайлова Нюргуяна Михайлованы, депутаттары Тюарскай Меркурий Юрьевиһы уонна Акимов Иван Акимовиһы кытары суолталаах көрсүһүү күүттэ. Депутаттары кытта интервью устубуппут. Онтон салгыы былааннары кэпсэттибит. Бу алтыһыы биһиэхэ кэлэр тэрээһиҥҥэ бэлэмнэниигэ эрэли уонна өйөбүлү биэрдэ. Бүтэһик күн: Оонньуулар уонна наҕараадалааһын Бырааһынньыкпыт түмүгэ чаҕылхай финал буолла – «Оһуокайдаан Ойуох-2026» тэрээһинэ. Оҕолор бары саамай үчүгэй өттүлэриттэн көрдөрөн, талааннарын таһаардылар. Хас биирдии кыттааччы, көрөөччүлэр сүрэхтэригэр умнуллубат бэлиэни хаалларда! Бырагырааммабыт бүтэһигэр кыттааччыларга барыларыгар сэртипикээттэр, грамоталар уонна бэлэхтэр туттарылыннылар, бу биһиги тэрээһиммит үөрүүлээх түмүгэ буолла. Биһиги бу тэрээһини тэрийбиппитинэн эрэ буолбакка, инники ситиһиилэргэ бэлэм элбэх талааннаах оҕолору көрбүппүтүнэн киэн туттабыт. Бэйэни салайыныы күнэ санаа атастаһарга, бииргэ үлэлэһэргэ уонна, биллэн турар, үөрэххэ улахан тоҕоостоох буолла! Инникитин саҥа көрсүһүүлэри уонна дьулуурдаах тэрээһиннэри күүтэбит! #ньурбакултууратынсонуннара