МКУ «Департамент культуры и молодежной политики» МР «Нюрбинский район» РС(Я)
Новости · 21 июня 2026 г.
_*Бэс ыйын 20 күнүгэр, Кыталыктаах кырдалыгар «Сомоҕо күүс, талба талаан, үрдүккэ дабай... — 21 июня 2026 г. в 01:03:56.490
_*Бэс ыйын 20 күнүгэр, Кыталыктаах кырдалыгар «Сомоҕо күүс, талба талаан, үрдүккэ дабайыы» Алгыс ыһыаҕар норуот ырыатын толорооччу, импровизатор ырыаһыт, тойуксут, оһуокайдьыт Николай Федотович Осипов-Чоомуут төрөөбүтэ 100 сылыгар аналлаах «Көҥүл олоҕу туойуохха» норуот ырыатыгар күрэх ыытылынна.*_ ✅ Николай Федотович Осипов-Чоомуут саха ырыатын-тойугун, оһуокайын тарҕатааччы, норуот улахан биһирэбилин ылбыт айылҕаттан бэриллибит талааннаах, кылыһахтаах куоластаах уонна хомоҕой тойуктаах тойуксут, ырыаһыт, оһуокайдьыт уонна олоҥхоһут буолар. Манна мустубут кыттааччыларбыт кэрэ куоластаах, кылыгырас кылыһахтаах ырыаһыттар ырыа умсулҕаныгар, кэрэтигэр, сөҕүмэр күүстээх абылаҥар ылларан, ыллаатылар-туойдулар. Күрэх түмүгүнэн: ✅ *Кылаан кыайыылаах - Гурьева Галина (Күндээдэ нэһилиэгэ)* - Н.Ф.Осипов-Чоомуут кыыһа Мария Николаевна Осипова туруорбут 10000 солк. ону кытта СӨ норуотун маастара, Ньурба улууһун норуот уус уран оҥоһуктарын маастара, тимир, көмүс уонна мас ууһа Ариан Афанасьев -Арыйаан Уус туруорбут 10000 солк., ✅ *36-тан үөһээ саастаах бөлөҕүнэн толорууга* *1 ҮРДЭЛ* - "Куйаар" түмсүү ( Ньурба куорат); *2 ҮРДЭЛ* - "Алгыс" түмсүү (Антоновка). ✅ *36-тан үөһээ саастаах биирдиилээн толорууга* *1 ҮРДЭЛ* - Татьяна Горохова (Ньурба куорат); *2 ҮРДЭЛ*- Яковлева Луиза (Малыкай); *3 ҮРДЭЛ*- Василий Васильев (Күндээдэ). ✅ *18-35 диэри саастаах бөлөҕүнэн толорууга* *1ҮРДЭЛ*- Луиза Яковлева, Изольда Макарова (Маалыкай). ✅ *18-35 диэри саастаах биирдиилээн толорууга* *1 ҮРДЭЛ* - Иван Григорьев (Таатта); *2 ҮРДЭЛ* - Изабелла Ефимова (Антоновка); *3 ҮРДЭЛ* - Гуляева Каролина (Хорула). ✅ Маартан сылдьар Лукин Никитаҕа Эко-пасека "Саввиновых" "Күөх Ньурба", "Хаҥалас нэһилиэгэ" тст туруорбут анал бириистэрэ туттарылынна. Николай Федотович Осипов-Чоомуут — саха фольклорун биир чаҕылхай бэрэстэбиитэлэ, норуот киэн туттар талааннаах тойуксута, оһуокайдьыта. Кини олорбут олоҕо, ыллаабыт-туойбут ырыалара кэлэр көлүөнэҕэ үтүө холобур буоллуннар. Кини талаана саха норуотугар өрүү тыыннаах буолун! Күрэххэ спонсордаабыт биир дойдулаахтарбытыгар махталбытын тириэрдэбит ✊🏽🤗 _*Хаҥаластааҕы С.П. Гаврильев аатынан "Тойук" норуот айымньытын дьиэтэ, Күндээдэтээҕи С.Н. Эверстова аатынан "Туску" норуот айымньытын дьиэтэ*_