МКУ «Департамент культуры и молодежной политики» МР «Нюрбинский район» РС(Я)
Новости · 4 июля 2026 г.
_*2026 СЫЛГА САХА ӨРӨСПҮҮБҮЛҮКЭТИН — 4 июля 2026 г. в 03:15:11.312
_*2026 СЫЛГА САХА ӨРӨСПҮҮБҮЛҮКЭТИН КЭБЭЭЙИ УЛУУҺУГАР ЫЫТЫЛЛАР «ҮС ӨРҮС ТАРДЫЫЛААХ, УУ ЧАЛГЫЙ КУТТААХ КЭБЭЭЙИГЭ – САХА СИРИН ТЭБЭР СҮРЭҔЭР» НОРУОТ БҮТТҮҮН БЫРААҺЫННЬЫГА – ОЛОҤХО ЫҺЫАҔАР НЬУРБА ТАЛБА ТАЛААННААХ, ЭРЧИМНЭЭХ ХАМААНДАТА КЫТТЫЫНЫ ЫЛА СЫЛДЬАР.*_ _*Маҥнайгы күн сонуннара*_ _Олоҥхо ыһыаҕын маҥнайгы күнэ оһуокай, олоҥхо, тойук, уустар түһүлгэлэрин арыйыы сиэриттэн-туомуттан саҕаланна._ _«Алгыстаах тойукпут айхаллыы дуорайдын!» тойуксуттар күрэстэригэр *Семенова Элеонора, Иванова Вероника, Платонов Валерий, Платонова Марфа, Михайлов Алексей* кыттан, Ньурба тохтор тойугун доллоһуттулар._ _Олоҥхо түһүлгэтэ ааттаах-суоллаах үбүлүөйдээх олоҥхоһуттарга аналлаах "Кырсалыы кылыһахтаан, Куоҕастыы куйуһутан, тахсар күн сардаҥатынан олоҥхолоох олоҕу туойдахпына..." олоҥхону толорооччулар күрэстэригэр Киэҥ Ньурба олоҥхону толорооччулара бөлөҕүнэн толорууга кыттыыны ыллылар._ _«Аламай Күн алыптаах үҥкүүтэ» оһуокай тылын этээччилэр күрэстэригэр кыттан саҕалаатылар. Ыһыах маҥнайгы күнүгэр *Валерий Платонов, Элеонора Семенова, Марфа Платонова, Айна Семенова, Никита Семенов-Куорсун* оһуокайдарын түһүлгэтин төрүттээтилэр._ _Уус түһүлгэтин арыллыытыгар тимири уһаардылар, сиэри-туому толордулар. Бүгүҥҥүттэн тимир уустарбыт күрэхтэһэн саҕалыыллар._ _Ыраах айаннаан тиийэн оройуоммут аатын ааттата сылдьар, төрүт үгэстэрбитин утумнааччы дьоммутугар ситиһиилэри баҕарабыт!_ _*Ньурба оройуонун култуураҕа уонна ыччат бэлиитикэтигэр департамена*_