Ытыктабыллаах «Айыллыы» үҥкүү бөлөҕүн салайааччылара, кыттыылаахтара, сирдьиттэрэ, уһуй...
Ытыктабыллаах «Айыллыы» үҥкүү бөлөҕүн салайааччылара, кыттыылаахтара, сирдьиттэрэ, уһуйуллааччылара! Сунтаар улууһун үөрэҕириитин салалтата «Айыллыы» үҥкүү бөлөҕүн туһунан 15 сыллаах үбүлүөйдээх саҥа кинигэ күн сирин көрбүтүнэн – үөрүүлээх сүрэхтэниитинэн ис сүрэхтэн итиитик-истиҥник эҕэрдэлиибит! Кинигэ бэчээттэнэн тахсыыта — бу бөлөх олорон ааспыт уонна айа турар айар суолун, ситиһиилэрин, хас биирдии оҕо уонна салайааччы сыралаах үлэтин үйэтитии буолар. Бу суруллубут история - кэлэр көлүөнэҕэ кэрэҕэ, сырдыкка сирдиир үтүө холобур, иитии-үөрэтии үлэтигэр киирбит бэлиэ кылаат. «Айыллыы» бөлөх бэйэтин ураты суолунан, таһымынан уонна оҕо талаанын арыйар дьоҕурунан улууспут эрэ буолбакка, республика, дойду, аан дойду таһымыгар тиийэ биллэр үрдүк ситиһиилэрдээх. Оҕону үҥкүү абылаҥын эйгэтигэр уһуйан, сиэргэ-майгыга иитэн, сыана култууратын үрдүк таһымҥа тутан кэлбиккитигэр улуус үөрэҕириитин салалтата куруук киэн туттар. Бу бэлиэ күн эһиэхэ барыгытыгар: Айар кут куруук арыллыаҕын, саҥа былааннар уонна үрдэллэр ситиһиллэр туралларыгар; Доруобуйаны, дьолу-соргуну уонна тус олоххутугар ситиһиилэри; Саҥа тахсыбыт кинигэ үгүс ааҕааччыны уонна үрдүк сыанабылы ыларыгар баҕарабыт! Үҥкүү эйгэтигэр анаммыт сырдык суолгут өссө да уһуннук сырдаатын, айар үлэҕит үрдүк ситиһиилэринэн өрүү үөрдэ турдун! Эҕэрдэни кытта, Сунтаар улууһун үөрэҕириитин салалтатын салайааччыта Борис Васильев. Алтынньы ый, 2026 сыл.