МКУ «Никольский музей землепользования им.И. С. Шарапова СП «Никольский наслег»
Образование · 8 июня 2026 г.
СӨ Культура сылыгар сомоҕолоһон — Никольскай музейын кырыыһата саҥардылынна!
СӨ Культура сылыгар сомоҕолоһон — Никольскай музейын кырыыһата саҥардылынна! Улууспут историятын үйэтитэр “И.С.Шарапов аатынан Никольскайдааҕы сири туһаныы музейа” кырыыһата эргэрэн, тэстэн, музей коллектива туруорсан, Саха Өрөспүүбүлүкэтин Ил Түмэн бэрэссэдээтэлэ Алексей Ильич Еремеев өйөбүлүнэн уонна музей бэйэтин үбүнэн кырыыһа матырыйаала хааччылан, саҥардыы үлэтин күргүөмнээх субуотунньуга бэс ыйын 2 – 3 күннэригэр тэриллэн ыытылынна. Нэһилиэкпит депутата Потапов Григорий Семенович көҕүлээһининэн, ыҥырыытынан субуотунньукка, нэһилиэкпит тэрилтэлэрин үлэһиттэрэ, общественниктар уонна улууспут “П.И.Сивцев аатынан Намнааҕы историко – этнографическай музей”, “И.Е Винокуров аатынан Хатын – Арыытааҕы историко – этнографическай музей” филиалын эр дьоно, эр санаалаахтык уонна күүстээхтик кыттан, улахан көмөнү оҥордулар. Бары биир санаанан үлэлээн, сыралаах үлэ түмүгэр музейбыт кырыыһата саҥардылынна. Суббуотунньук олус таһаарылаахтык ааста. Күүс-көмө буолбут бар дьоммутугар нэһилиэкпит депутаттарыгар Потапов Григорий Семеновичка, Неустроев Николай Кирсановичка, Сысолятин Никон Алексеевичка, Петров Дмитрий Юрьевичка, Парников Сандал Ивановичка, Федотов Захар Петровичка, Протопопов Захар Николаевичка, Протопопов Александр Юрьевичка, Аргунов Афанасий Афанасьевичка, Ларионова Василиса Николаевнаҕа, аһынан көмөлөспүт Нератова Зианида Васильевнаҕа, Баишева Елена Дмитриевнаҕа, коллегаларбытыгар “П.И.Сивцев аатынан Намнааҕы историко – этнографическай музей” директорыгар Копырин Александр Ивановичка, “И.Е Винокуров аатынан Хатын – Арыытааҕы историко – этнографическай музей” салайааччытыгар Нестеров Михаил Владимировичка уонна эр дьон үлэһиттэригэр ис сүрэхтэн тахсар барҕа махталбытын тиэрдэбит! Үтүө санааҕыт, биир сомоҕо буолар кыаххыт уонна төрөөбүт дойдубут сайдыытыгар киллэрэр кылааккыт — бу барыта холобур буолар үтүө быһыы. И.С.Шарапов аатынан Никольскайдааҕы сири туһаныы музей директора П.Р.Протопопова