МКУ «Никольский музей землепользования им.И. С. Шарапова СП «Никольский наслег»
Образование · 4 июня 2026 г.
Сүрэх күүһэ уран айымньылаах дьарыкка көстөр — 4 июня 2026 г. в 04:09:04.567
Сүрэх күүһэ уран айымньылаах дьарыкка көстөр Ыам ыйын 30 күнүгэр Саха сиригэр Культура, Никольскай нэһилиэгэр Дьоҕур сылларыгар анаан, «Айар кутум абылаҥа» Никольскай нэһилиэгин мелодистар айар түһүлгэлэрэ М.К. Аммосов аатынан култуура уонна духуобунай сайдыы дыбарыаһыгар үрдүк таһымнаахтык буолла. Тэрээһиҥҥэ нэһилиэк мелодистара: София Васильевна Охлопкова, Елена Дмитриевна Баишева, Уйгу Сайаан Айхан уола, Мария Петровна Нертова - Хоетова, Зинаида Васильевна Нератова-Тупсууна кытыннылар. Кэнсиэргэ нэһилиэкпититтэн «Намыына, «Ыйдаҥа», Намтан «Нарыйаана» ырыа ансаамбыллара, нэһилиэкпит олохтоохторо, тэрилтэлэрэ уонна биирдиилээн толорооччулар мелодистар айбыт айымньыларын ыллаатылар. Нэһилиэкпит дьоҕурдаах дьонун быыстапкатын «И.С. Шарапов аатынан Никольскайдааҕы сири туһаныы музейа» туруорда, дьон-сэргэ сэҥээриитин ылла. Быыстапкаҕа Никольскай нэһилиэгин "Ытык киһитэ", Нам улууһун норуот маастра Олесова Анна Еремеевна, Саха Өрөспүүбүлүкэтин норуот маастра Тимофеева Вера Васильевна, Ааллаах Сардаана Албан Кыыһын кылтан, Иванова Аида Алексеевна баайы уонна Протопопова Ангелина Федоровна – полимер туойтан үлэлэрэ, айан-тутан таһаарбыт дьикти оҥоһуктара турдулар. Бу умнуллубат киэһэни бэлэхтээбит бары кыттааччыларбытыгар, дьоҕурдаах дьоммутугар махтанабыт, бары үчүгэйи баҕарабыт.