Бүгүн дойду үрдүнэн Дьиэ кэргэн, таптал уонна бэриниилээх буолу күнүн бэлиэтиибит! — 8 июля 2026 г. в 01:40:53.312
Бүгүн дойду үрдүнэн Дьиэ кэргэн, таптал уонна бэриниилээх буолу күнүн бэлиэтиибит! Дьиэ кэргэн – бу хас биирдии киһи олоҕор саамай сүрүн тирэх, сылаас уйа. Манна оҕо аан бастаан дьону-сэргэни кытта алтыһарга, эппиэтинэстээх буоларга, тулалыыр эйгэҕэ сыһыаннаһарга үөрэнэр. Оскуола уонна дьиэ кэргэн ситимнээх үлэлэрэ – оҕону бары өттүнэн сайыннарыыга улахан суолталаах. Оскуола билиини-көрүүнү биэрэр, оттон дьиэ кэргэн майгы-сигили өттүнэн байытар, өй-санаа өттүнэн ситэрэн-хоторон биэрэр. Биһиги улууспут оскуолаларыгар төрөппүт комитеттара, ийэлэр уонна аҕалар түмсүүлэрэ өбүгэ үгэстэригэр оҕону сыһыарыыга, бары өттүнэн сайыннарыыга туһуламмыт элбэх өрүттээх үлэни ыыталларын бэлиэтиибит уонна кинилэргэ дириҥ махталбытын тиэрдэбит. Маннык биир санаанан салайтардахпытына, биһиги инники кэскиллэрбит – оҕолорбут бэйэлэригэр эрэллээх, сайдыылаах уонна Ийэ дойдуга бэриниилээх дьон буолан тахсаллара саарбаҕа суох. Бу сырдык бырааһынньыкка барыгытыгар чэгиэн доруобуйаны, иллээх дьиэ кэргэни, тапталы уонна сарсыҥҥы күҥҥэ эрэли баҕарабын! Чурапчы улууһун үөрэҕин салалтатын начальнига Ю.П. Посельскай