26 нчы октябрь көнне Такталачык мәктәбендә директорларның укыту-тәрбия эшләре буенча у...

26 нчы октябрь көнне Такталачык мәктәбендә директорларның укыту-тәрбия эшләре буенча урынбасарларының район семинары узды. Семинар барышында 1нче класста рус теленнән З.Ф.Шәемова, 4 нче класста математикадан Р.Р.Имамова, 5нче класста математикадан А.М.Гыйльфанова, 8 нче класста химиядән Р.Т.Низамов ачык дәрес күрсәттеләр. "Бергә атлау күңелле, бердәмлектә безнең көчебез" исеме астында үткән әдәби-музыкаль чара әти-әниләр, укучылар, укытучылар белән берлектә оештырылды. Чарада озак еллар мәктәп директоры булып эшләп лаеклы ялга чыккан Татарстан Республикасының атказанган укытучысы, РСФСР халык мәгарифе отличнигы, "Мәгарифтәге казанышлары өчен" күкрәк билгесе иясе, хезмәт ветераны Камил Батырхан улы Фәйрушин музыкаль сәламнәрен җиткерде. Семинар методик чыгышлар белән дәвам итте, алдагы эшләргә максатлар куелды.