Бэс ыйын 15 күнүгэр «Үнүгэс» лааҕырбытыгар наһаа үчүгэй күн буолан ааста. Сарсыарда өтт... — 24 июня 2026 г. в 11:32:29.965
Бэс ыйын 15 күнүгэр «Үнүгэс» лааҕырбытыгар наһаа үчүгэй күн буолан ааста. Сарсыарда өттүгэр Центральнай киинэ театрыгар «Зверолюция» киинэҕэ сырыттыбыт, оҕолор сэргээтилэр, сөбүлээтилэр. Киинэ кэнниттэн лааҕырбыт иитээччилэрэ олус суолталаах уонна дириҥ ис хоһоонноох кэпсэтиини ыыттылар, Россия күнүн туһунан сиһилии кэпсээтилэр. Оҕолор Россия былааҕын үс өҥүн суолтатын туһунан биллилэр: • Маҥан — ыраас санаа, эйэ уонна кырдьык бэлиэтэ; • Халлаан күөх — бэриниилээх буолуу уонна туруктаах олох; • Кыһыл — күүс-уох, хорсун быһыы уонна Ийэ дойду туһугар кыайыыга дьулуур. Россия куораттарын, бырааһынньыктарын, омуктарын, арааа култуураларын туһунан элбэҕи биллилэр. Иитээччилэрбит этэллэрин курдук, Ийэ дойдуга таптал бэйэ дьиэ кэргэниттэн, доҕотторуттан уонна тулалыыр айылҕатыттан саҕаланар. Күн иккис аҥарыгар бастакы этэрээт оҕолоро барыбытын сөхтөрдүлэр — кинилэр «Кыһыл бэргэһэчээн» диэн бары сөбүлүүр остуоруйабытын сыанаҕа туруордулар. Сыанабыт биир түгэн иһигэр аптаах ойуур буолан кубулуйда! Эдэр артыыстарбыт олус бэркэ оонньоотулар: кутталлаах эрээри итэҕэтиилээх Бөрө, нарын-намчы Кыһыл Бэргэһэчээн уонна эйэҕэс Эбээ көрөөччүлэр сүрэхтэрин тута үөртүлэр. Бастакы этэрээттэр доҕордуу буолуу күүһүн уонна дьулуурдаах буоланнар чаҕылхай испэктээкили көрдөрдүлэр. Көрөөччүлэр өр кэмҥэ ытыс таһыннылар — бу дьиҥнээх ситиһии этэ! Ол кэнниттэн бары лааҕырынан ыһыахха бэлэмнэннибит, хас биирдии этэрээт үҥкүү, ырыа, оһуохай туруорда. Бары биир сомоҕо буолан үчүгэй баҕайытык бэлэмнэнэн, ыһыах күммүтүн олус күүтэбит. Бу күн биһиэхэ элбэҕи өйдөттө: остуоруйаҕа курдук үтүө санаалаах буоларга уонна бэйэбит улуу дойдубут патриоттара буоларбытыгар. Иннибитигэр өссө да элбэх интэриэһинэй күннэр күүтэллэр! #ОЛДП #Үнүгэс