💙Саха гимназиятын тэлгэһэтигэр Аҕа күнүн бэлиэтээтилэр
💙Саха гимназиятын тэлгэһэтигэр Аҕа күнүн бэлиэтээтилэр Бүгүн "Аҕа уонна уол" стелабыт иннигэр бэрт үгүс киһи дьоһун күнү бэлиэтээри тоҕуоруста. Ол курдук СӨ Үлэҕэ уонна социальнай сайдыыга министиэристибэтин, Дьокуускай куорат общественнай сибээс уонна ыччат политикатын управлениетын, Дьокуускай куораттааҕы Думатын үлэһиттэрэ, Аҕа сүбэтин актыбыыстара, Саха гимназиятын учууталлара уонна үөрэнээччилэрэ мустан тэрээһин таһыма өссө үрдүк буолла. Ыалдьыттарбыт ылыннарыылаах тылларын эттилэр, истиҥ иһирэх эҕэрдэлэрин тириэртилэр. Бөҕө, бигэ олохтоох дьиэ кэргэттэр баар буоланнар судаарыстыба сайдар! Аҕа дьиэ кэргэн сүрүнэ уонна бигэ тирэҕэ, оттон дьиэ кэргэн күүстээх судаарыстыба төрдө! Быйыл Аҕа күнүн Арассыыйаҕа 2021 сылтан 6-с сылбытын бэлиэтиибит. Аҕа күнүн бэлиэтээһин оскуолабыт тэлгэһэтиттэн саҕаламмыта. 2021 с. атырдьах ыйыгар Анна Юрьевна Кузнецова Арассыыйа Федерациятын Бэрэсидьиэнин иһинэн оҕо быраабыгар боломуочунайа (Уполномоченный при Президенте Российской Федерации по правам ребёнка), Госдума дьокутаата биһиги оскуолабытыгар кэлэ сылдьан, аҕа дьиэ кэргэн иитиитигэр оруола Саха сиригэр үрдүк таһымнааҕын билсэн, аҕалар хамсааһыннарын тиһиктээх үлэтин көрөн, аҕаларбыт кэскиллээх этиилэрин, Аҕа күнүн бүтүн Арассыыйа үрдүнэн бэлиэтиэххэ диэн көҕүлээһиннэрин ити сыл от ыйыгар проект быһыытынан правительствоҕа киллэрэн, бу дьоһун күнү бэлиэтиири ситиспитэ. Онон, күндү эркин курдук көрөр аҕаларбытын, бу бэлиэ күнүнэн эҕэрдэлиибит! Өрүү доруобай буолуҥ, чэгиэн сылдьыҥ, олох куһаҕаннарыгар охтон, түһэн биэримэҥ, аттыбытыгар дурда-хахха буолуҥ! #МИНТРУД #Якутск #СоветОтцов #ГорДума #НавигаторыДетства #Росдетцентр #ДеньОтцаНД #ДвижениеПервых