«Утум салҕаныыта»: үгэстэр тыыннаах ситимнэрэ ✨
«Утум салҕаныыта»: үгэстэр тыыннаах ситимнэрэ ✨ Алтынньы 21 күнүгэр Саха гимназиятыгар икки эпоха истиҥ көрсүһүүтэ буолан ааста. Эдэр учууталлар «СИТИС» айар бөлөхтөрө 18 бэтэрээн учууталы, оскуола устуоруйатыгар кыһыл көмүс буукубанан суруллубут дьону, остуол тула истиҥ кэпсэтиигэ ыҥырдылар. Нуучча тылын учуутала М.В. Ордахова Саха гимназиятын төрүттэспит дьону киэн туттан туран билиһиннэрдэ. Саалаҕа улуу учууталларбыт муһуннулар: Алын кылаас учууталлара: Галина Семеновна Максимова, Саргылана Николаевна Назарова, Анастасия Николаевна Ильина, Татьяна Артамоновна Скрябина, Екатерина Васильевна Игнатьева, Людмила Георгиевна Дедюкина. Төрөөбүт тыл: Анжелика Алексеевна Антонова. Естественнай-научнай цикл: Татьяна Гаврильевна Бандерова, Надежда Афанасьевна Тобонова, Марианна Ивановна Винокурова, Екатерина Семеновна Кулучкина, Екатерина Николаевна Сивцева. Нуучча тыла уонна литература: Наталья Николаевна Необутова, Матрена Николаевна Павлова. Социальнай-гуманитарнай дисциплиналар: Асида Михайловна Васильева, Василий Игнатьевич Никитин, Егор Егорович Жерготов. Убаастабыллаах бэтэрээн учууталларбыт, наставниктарбыт эдэр учууталлары кытта остуол тула олорон ирэ-хоро сэһэргэстилэр. Ытык кырдьаҕастарбыт кэс тыллара, сүбэлэрэ-амалара, үлэлээн ааспыт кэмнэригэр буолбут түбэлтэлэрэ эдэрдэргэ күндү бэлэх буолла. 📚🤝 Көрсүһүү кэнниттэн бары уопсай хаартыскаҕа түһэн, бу сырдык түгэни үйэтиттилэр. 📸💖 #СахаГимназията #СИТИС #УтумСал5аныыта #Наставничество #25сыл