🎓 Үлэни, үөрэҕи өрө туппут выпускниктарбыт оскуолаларыгар ыалдьыттыыллар💙🩷
🎓 Үлэни, үөрэҕи өрө туппут выпускниктарбыт оскуолаларыгар ыалдьыттыыллар💙🩷 Алтынньы 23 күнүгэр «Үөрэнээччи – устудьуон – ситиһиилээх үлэһит» диэн гимназия выпускниктара оскуолаҕа тус туһаайыылаахтык тэринэн үөрэнэн, талбыт идэлэрин баһылаан, ситиһиилээх үлэһит буолбуттарын туһунан уопуттарын 7-11 кылаас оҕолоругар сиһилии кэпсээн тириэртилэр. Кэпсэтии түһүлгэлэрэ оҕолор талбыт хайысхаларынан үллэһиллэн ыытыллыннылар (Биолого-химическэй, информационно-технологическай, техническэй, историко-юридическэй, социально-экэнэмиичэскэй, англия, нуучча, саха филологиялара). Оҕолор интэриэһиргиир ыйытыктарыгар толору хоруй ылан, идэлэрин таба тайаналларыгар, ханнык сатабылларын, үөрүйэхтэрин сайыннаралларыгар, ханнык бириэдиэмиэттэрин ордук сыныйан үөрэтэллэригэр, тус туһаайыылаах былааннарыгар тугу эбэллэригэр өссө туохха болҕомто хатаан үөрэнэллэригэр сорук ыллылар. Уопсайа 20-чэ выпускник кэлэн барда. Араас идэни баһылаан, салайааччылартан саҕалаан араас үлэһиттэргэ тиийэ үлэлии-хамсыы сылдьалларын истэр саҕа дьол суох. Летчик, быраас, стоматолог, корреспондент, режиссер, юрист, адвокат, электрик, инженер, сир баайын хостооччу, следователь-полицейскай, актер уо.д.а. араас идэни баһылаабыттар. Өссө биир кэрэхсэбиллээҕэ выпускниктарбыт сахалыы сайа саҥаралларын бэлиэтээтибит. Маннык курдук өрүү оскуолаларын кытта ситимнэрин быспакка кэлэ туралларын олус хайҕыы көрөбүт. 🎓Күндүтүк саныыр гимназияны бүтэрбит уонна үөрэнэ сылдьыбыт үөрэнээччилэрбит! 💫 Үлэҕитигэр, үөрэххитигэр өссө да үрдүк ситиһиилэри, киэҥ далааһыннаах хамсаныылары баҕарабыт. Чөл туруктаах, эгэлгэ идеялаах, үтүөкэн майгылаах, саханы саха дэтэр ыччаттар буолан сайдыаххыт диэн эрэнэбит! Омуккут туһугар көҥүл санааҕытын ыһыктымаҥ, ис күүскүтүн-итэҕэлгитин сүтэримэҥ, чэгиэн бэйэҕитин харыстааҥ! Самныбакка, толлубакка иннигит хоту! Саха буолан сандаарыҥ, киһи буолан килбэйиҥ! #СГ25 #ӨрөгөйдөөхДэкээдэ #СахаГимназия25сыла #ОС #ҮөрэнээччиУстудьуонСитиһиилээхҮлэһит