Бүгүн оскуолабытыгар үрдүк таһымнаахтык "Күһүҥҥү баал" ("Осенний бал") ыытылынна! 🍁✨
Бүгүн оскуолабытыгар үрдүк таһымнаахтык "Күһүҥҥү баал" ("Осенний бал") ыытылынна! 🍁✨ Оҕолор бу кэрэ тэрээһиҥҥэ олус кыһаллан, бэрт өр уонна эппиэтинэстээхтик бэлэмнэнэн, бэйэлэрин дьоҕурдарын толору көрдөрдүлэр. Баал бырааһынньыга классическай үҥкүү араас көрүҥнэринэн, хас биирдии параллель бэйэтин ураты хайысхатын сыанаҕа көрдөрдө: • 9 кылаастар намыын вальсы (медленный вальс) үҥкүүлээн көрөөччүлэр дууһаларын таарыйдылар. • 10 кылаастар эрчимнээх Вена вальсынан (венский вальс) сыананы киэргэттилэр. • 11 кылаастар уустук оҥоһуулаах, фигурнай вальсы олус кыһамньылаахтык толорон уопсай биһирэбили ыллылар. Хас биирдии кылаас сыанаҕа дууһатын ууран туран, бэриниилээхтик үҥкүүлээбитин кэннэ, дьүүллүүр сүбэҕэ кыайыылаахтары быһаарар олус уустук буолла. Ол курдук сытыы күрэх түмүгүнэн миэстэлэр маннык үллэрилиннилэр: 🏆 Гран-при - 11 «Б» кылаас 🥇 I степеннээх лауреат -10 «Б» кылаас 🥈 II степеннээх лауреат - 9 «Б» кылаас 🥉 III степеннээх лауреат - 10 «А» кылаас Кыайыылаахтарбытын, призердарбытын уонна бары кыттыылаахтары ис сүрэхпититтэн эҕэрдэлиибит! Оскуолабыт олоҕор умнуллубат кэрэ түгэннэри, истиҥ иэйиини, нарын үҥкүүлэри бэлэхтээбиккитигэр махтанабыт! Ону тэҥэ оҕолору көҕүлээбит, өйөөбүт кылаас салайааччыларыгар уонна үҥкүү туруорааччыларга махталбытын биллэрэбит. Инникитин да өссө үрдүк ситиһиилэри, саҥа таһымнары уонна айар кынат куруутун арыаллаатын! 🌟👏 🎥"Кэрэ кэм" медиастудия #ОсеннийБал #СахаКэскилэ #Медиастудия