Был мауыҡтырғыс матур саранан мәктәп уҡытыусылары ла, ауылдың иң актив ҡатын- ҡыҙҙары ... — 6 апреля 2026 г. в 09:12:48.114

Был мауыҡтырғыс матур саранан мәктәп уҡытыусылары ла, ауылдың иң актив ҡатын- ҡыҙҙары ла ситтә ҡалманы. «Рух майҙанында» Инйәр ауылы ҡатын-ҡыҙҙар ойошмаһы вәкилдәре менән осрашыуға сығып, «ҡоро душ» пакеты эшләү этабын, боронғо «Ашыҡ уйыны» уйнау серҙәрен, уҡтан атып ҡарап, мәргәнлек оҫталығын нисек үҫтерергә кәрәклеген өйрәнделәр. Бынан тыш ойошма етәксеһе Асия Рим ҡыҙы окоп шәмдәре эшләү серҙәре һәм әлеге мәлдә шәмдәрҙең әһәмиәте тураһында һөйләне. Сара бик мауыҡтырғыс, ойошҡанлыҡ менән үтте. Инйәр төбәге ҡатын-ҡыҙҙар ойошмаһына һәм уның етәксеһе Асия Рим ҡыҙына ҙур рәхмәтемде белдерәм! Беҙ бергә булғанда ғына - көслөбөҙ!