МР «Эвено-Бытантайский национальный улус(район)» РС(Я)
Новости · 23 февраля 2026 г.
Күндү амарах аҕаларбыт, эйэҕэс эһээлэрбит, инники эрэллэрбит — эр хоһуун уолаттар! — 23 февраля 2026 г. в 04:49:52.757
Күндү амарах аҕаларбыт, эйэҕэс эһээлэрбит, инники эрэллэрбит — эр хоһуун уолаттар! 🪖 Эһигини Аҕа дойдуну көмүскээччилэр күннэринэн итиитик-истиҥник эҕэрдэлиибин! Дьиэ-кэргэҥҥэ, тэрилтэҕэ, уопсастыбаҕа, дойдуга халыҥ хахха, суон дурда буолар аналгытын чиэстээхтик сүгэргитинэн киэн туттабыт, эһиэхэ эрэнэбит. Эһиги баар буоллаххытына олохпут туруктаах, нус-бараан, халлааммыт чаҕылхай күннээх, тулалыыр эйгэбит эйэлээх! Аҕа дойду Улуу сэриитин уонна тыыл бэтэрээннэригэр, бойобуой дьайыы кыттыылаахтарыгар махтанабын уонна ытыктабылбын биллэрэбин. Эһиги кыргыһыы хонуутугар көрдөрбүт, көрдөрөр хорсун быһыыгыт, самныбат санааҕыт уонна кыайыыга дьулуургут билигин сулууспалыы сылдьар эдэр Аҕа дойдуну көмүскээччилэрбитигэр, кэнчээри кэскилгэ үтүө холобур буолар. Бу күн Модун Россия чэчирии сайдарын туһугар күннэтэ үлэлии-хамсыы сылдьар эр дьоммутун чиэстиибит. Олунньу 23 күнэ – Саха сирин олохтоохторугар кэриэстэбил, кутурҕан уонна албан аат күнэ. Ол курдук, 79 сыл анараа өттүгэр Новгород уобалаһын Старорусскай оройуонун босхолуур иһин Ильмень күөлгэ номох буолбут кыргыһыыга 597 Саха сирин буойуна кыттыбыта, олортон үгүһэ сэрии толоонугар тыынын толук уурбута. Бу кыайыы хайдахтаах курдук ыар сүтүктээх ситиһиллибитэ умнуллубат, биир дойдулаахтарбыт хорсун быһыылара саха норуотун киэн туттуута буолар. Уол оҕо төрөөбүт дойдутун, норуотун хорсуннук көмүскүүр кыахтаах уонна баҕалаах буола улаатара төрөппүттэн эрэ буолбакка, тас эйгэттэн эмиэ улахан тутулуктаах. Дойдубут патриоттарын биһиги бэйэбит иитэн, улаатыннаран таһаарабыт. Күүстээх аҥаардарбыт дьиэ кэргэн суон дурдата, халыҥ хаххата, бигэ тирэҕэ буолаллар. Барыгытыгар чэгиэн-чэбдик туругу, энчирээбэт эрчими, булгуруйбат модун санааны баҕарабын. Чугас дьоҥҥут этэҥҥэ буоллуннар, үлэҕит-хамнаскыт ситиһиилэннин. Инникигэ эрэллээх, күүстээх бигэ тирэхтээх, уһун уйгулаах олохтонуҥ! «Эбээн Бытантай национальнай улууһа» МТ Аҕа баһылыга Иннокентий Стручков