МАЙАҔА 564 КИҺИ СОМОҔОЛОҺУУ СҮҮРҮҮТҮГЭР КЫТЫННА!
МАЙАҔА 564 КИҺИ СОМОҔОЛОҺУУ СҮҮРҮҮТҮГЭР КЫТЫННА! Бүгүн, Арассыыйа күнүгэр Майа сэлиэнньэтигэр, "Сомоҕолоһуу сүүрүүтэ" успуорт уонна чөл олох маассабай тэрээһинэ үрдүк таһымҥа ыытылынна. Бу үөрүүлээх түһүлгэҕэ сэлиэнньэ олохтоохторо уонна ыалдьыттара түмсэн, биир сомоҕо буолуу күүһүн көрдөрдүлэр. Сүүрүүгэ уопсайа 564 киһи кыттыыны ылла. Бу биир сомоҕо буолуу, доҕордоһуу уонна чөл олоҕу өрө тутуу бэлиэтэ буолар. Хас биирдии кыттааччы доруобуйатын туһугар кыһалларын, уопсай сыалга биир санаанан түмүллэрин көрдөрдө. Кыттааччылар саастарынан араастар – оҕо саадын иитиллээччилэриттэн саҕалаан, аҕа саастаах дьоҥҥо тиийэ бары биир тэҥҥэ кытыннылар. Дьон дьиэ кэргэнинээн, тэрилтэлэринэн, доҕотторун-атастарын кытта түмсэн, сэлиэнньэ киин уулуссаларынан сүүрэн, бэйэлэрин кыахтарын тургуттулар, сүргэлэрин көтөхтүлэр. Маннык үтүө үгэстээх тэрээһиннэр сыл аайы ыытылла турдуннар. Хаартыскалары бу сигэҕэ көрүҥ: https://drive.google.com/drive/folders/1V5SXQVE5LLPRS1iAJsefpRxRc0B_rCZN?usp=sharing Мэҥэ Хаҥалас улууһун дьаһалтатын пресс-сулууспата