БАҺЫЛЫКТАР СЭБИЭТТЭРИН 128-С УОЧАРАТТААХ МУННЬАҔА
БАҺЫЛЫКТАР СЭБИЭТТЭРИН 128-С УОЧАРАТТААХ МУННЬАҔА Бүгүн, алтынньы 8 күнүгэр, Майа сэлиэнньэтигэр баһылыктар Сэбиэттэрин 128-с уочараттаах мунньаҕын улуус баһылыга Дмитрий Тихонов салайан ыытта. Мунньахха нэһилиэк баһылыктара, дьаһалта салааларын салайааччылара, тустаах тэрилтэлэр салайааччылара кыттыыны ыллылар. Мунньахха хас даҕаны суолталаах ыйытыыны дьүүллэстилэр. Ол курдук, 518№ федеральнай сокуоҥҥа олоҕуран, урут учуокка турбут эрээри бэйэ аатыгар докумуоннамматах сирдэр, тутуулар тустарынан баай-дуол, сир сыһыаннаһыыларын салаатын салайааччыта Айталина Сыроватская иһитиннэрдэ. Саха Өрөспүүбүлүкэтигэр муниципальнай тэриллиилэр баһылыктарыгар сыһыаннаах коррупцияны утары сокуону туһаныы быраактыкатын туһунан коррупция хабааннаах уонна атын буруйу оҥорууну сэрэтиигэ салаа салайааччыта Евгений Марков иһитиннэрии оҥордо. 2026 сыл алтынньы 7 күнүн туругунан Мэҥэ Хаҥалас улууһугар үүтү оҥорон таһаарыы, сүөһү сылгы ахсаанын кэтээн көрүү, кыстыыр аһылык туһунан тыа хаһаайыстыбатын салаатын салайааччытын солбуйааччы Александр Борисов сырдатта. Суол пуондаларын үбүн салайар федеральнай судаарыстыбаннай информационнай систиэмэ үлэтин туһунан суол-иис, тырааныспар хаһаайыстыбатын салаатын салайааччыта Нюргун Оконешников билиһиннэрдэ. 2026 сылга үбү-харчыны бөҕөргөтүү туһунан экэниэмикэ салалтатын салайааччы Розалия Громова иһитиннэрдэ. Сэбиэт кыттыылаахтара санааларын атастастылар, салгыы үлэ былааннарын торумнаатылар. Мэҥэ Хаҥалас улууһун дьаһалтатын пресс-сулууспата