АНАЛ БАЙЫАННАЙ ДЬАЙЫЫ КЫТТЫЫЛААХТАРЫН ДЬИЭ КЭРГЭТТЭРИГЭР БИЭС СҮҮСТЭН ТАХСА АРАССААДА Т...
АНАЛ БАЙЫАННАЙ ДЬАЙЫЫ КЫТТЫЫЛААХТАРЫН ДЬИЭ КЭРГЭТТЭРИГЭР БИЭС СҮҮСТЭН ТАХСА АРАССААДА ТҮҤЭТИЛИННЭ Бэс ыйын 5-8 күннэригэр Мэҥэ Хаҥалас улууһун анал байыаннай дьайыы кыттыылаахтарын дьиэ кэргэттэрэ хаачыстыбалаах арассааданы ыллылар. Нөөрүктээйи олохтоохторо Климент Петров уонна Мария Сидорова теплицаларыттан биэс сүүстэн тахса оҕурсуу, помидор, биэрэс уонна сибэккии арассаадатын анал байыаннай дьайыы кыттыылаахтарын дьиэ кэргэттэригэр туттардылар. Климент Петров бааһынай хаһаайыстыбата, "Аҕа дойду көмүскээччилэрэ" судаарыстыбаннай пуонда филиала социальнай координатордарын уонна улуустааҕы тыа хаһаайыстыбатын салалтатын көмөтүнэн, үһүс сылын арассадааннан көмөлөһөр. Климент Петров бэйэтин этиитигэр: Биһиги анал байыаннай дьайыы кыттыылаахтарын дьиэ кэргэттэрин, чугас дьоннорун сүтэрбит ыаллары өйүүр баҕалаахпыт. Билигин оҕуруот үлэтэ күүскэ бара турар кэмэ, ол иһин бэриллибит рассада олус туһалаах буолуоҕа, ону тэҥэ хаачыстыбалаах оҕуруот аһын үүннэрэргэ улахан көмө буолуо диэн эрэнэбин. Мэҥэ Хаҥалас улууһун дьаһалтатын пресс-сулууспата