БАҺЫЛЫКТАР СЭБИЭТТЭРИН МУННЬАҔА ЫЫТЫЛЫННА
БАҺЫЛЫКТАР СЭБИЭТТЭРИН МУННЬАҔА ЫЫТЫЛЫННА Бүгүн, бэс ыйын 25 күнүгэр Мөҥүрүөн нэһилиэгэр баһылыктар Сэбиэттэрин 127-с уочараттаах мунньаҕын улуус баһылыга Дмитрий Тихонов салайан ыытта. Мунньахха дьаһалта салааларын салайааччылара, нэһилиэк баһылыктара уонна тустаах тэрилтэ салайааччылара кыттыыны ыллылар. Мунньахха хас даҕаны суолталаах ыйытыыны дьүүллэстилэр. Ол курдук, «Мүрү» суол учаастагын 2027 сыллааҕы өрөспүүбүлүкэ үлэтин былааныгар киллэрии боппуруоһа турда. Бу боппуруоһу Мөҥүрүөн нэһилиэгин баһылыга Юрий Александров көтөхтө. Ону таһынан, 2026 сыллааҕы оттооһун үлэтин туһунан дакылааты тыа хаһаайыстыбатын салалтатын салайааччы Аркадий Лукин оҥордо. Манна тиэхиньикэни кэмигэр бэлэмнээһин уонна уматыгынан хааччыйыы, тыа хаһаайыстыбатыгар сөптөөх кэмигэр үлэни тэрийиини дьүүллэстилэр. Баһаартан куттала суох буолуу мунньах сүрүн тиэмэтинэн буолла. Олохтоох пууннар баһаар кутталлаах кэмигэр бэлэмнэрин дьаһалта баһылыгын нэһилиэнньэ олоҕун хааччыйыыга солбуйааччы Николай Никифоров иһитиннэрдэ. Түмүккэ, быыбарнай хамыыһыйа үлэтин туһунан быраапка салалта сүрүн исписэлииһэ Иннокентий Лыткин билиһиннэрдэ. Сэбиэт кыттыылаахтара санааларын атастастылар, салгыы үлэ былааннарын торумнаатыллар. Мэҥэ Хаҥалас улууһун дьаһалтатын пресс-сулууспата