БОЙОБУОЙ ДЬАЙЫЫ БЭТЭРЭЭННЭРИН КҮНҮН БЭЛИЭТЭЭТИЛЭР — 1 июля 2026 г. в 08:08:39
БОЙОБУОЙ ДЬАЙЫЫ БЭТЭРЭЭННЭРИН КҮНҮН БЭЛИЭТЭЭТИЛЭР Бүгүн, от ыйын 1 күнүгэр Майа сэлиэнньэтин «Кыайыы аартыга» скверигэр Бойобуой дьайыы бэтэрээннэрин күнүгэр анаммыт тэрээһин буолла. Бу күн дойдубут көмүскэлигэр олохторун харыстаабатах, хорсун быһыыны көрдөрбүт буойуттарбытын ахтан-санаан ааһар, кинилэр сырдык ааттарын үйэтитэр уонна ытыктыыр улахан суолталаах. Бэлиэ түгэҥҥэ улуус баһылыгын нэһилиэнньэ олоҕун-дьаһаҕын хааччыйыыга солбуйааччы Николай Никифоров, улуус дьокутааттарын Сэбиэтин бэрэссэдээтэлэ Иннокентий Андросов, «Кыайыыга бииргэ!» координационнай киин хамыыһыйатын, Хотугулуу-Илиҥҥи Донбаһы өйүүр пуонда дириэктэрэ Георгий Куркутов, Хара нэһилиэгин баһылыга Дария Ивановна эҕэрдэ тылларын эттилэр, бэтэрээннэргэ, анал байыаннай дьайыы кыттыылаахтарыгар уонна кинилэр дьиэ кэргэттэригэр наҕараадалары туттардылар. Тэрээһин түмүгэр «Мас олордуута» экологическай аахсыйа буолла. Барыта 14 мас олордулунна. Хорсун буойуттарбыт күүстээх санаалара, дойдуларыгар бэриниилэрэ кэлэр көлүөнэлэргэ умнуллубат холобур буолуохтун! Мэҥэ Хаҥалас улууһун дьаһалтатын пресс-сулууспата