Бүгүн үлэ, тыыл бэтэрээнэ, сэрии сылларын оҕото, I, III истиэпэннээх «Ийэ Албан аата» у...
Бүгүн үлэ, тыыл бэтэрээнэ, сэрии сылларын оҕото, I, III истиэпэннээх «Ийэ Албан аата» уордьан, «Ийэ мэтээлэ» хаһаайына, Хара нэһилиэгин Бочуоттаах олохтооҕо Клара Серафимовна Сергеева үбүлүөйдээх 95 сааһын туолбут күнүнэн улуус баһылыгын, салалтатын, дьокутааттарын Сэбиэтин үтүө үлэһит дьоно-сэргэтин ааттарыттан итиитик-истиҥник эҕэрдэлиибит! Клара Серафимовна 1931 сыллаахха Тыыллыма нэһилиэгэр төрөөбүтэ. Оҕо сааһа сэрии ыар кэмнэригэр ааспыта. Улахан дьону кытта тэҥҥэ Улуу Кыайыыны уһансыбыта, күүстээх тыынын көрдөрбүтэ. Үлэтин 1945 сыллаахха «Кыһыл трактор» холкуоска ыанньыксытынан саҕалаабыта. Кэлин Сталин аатынан холкуоска, сопхуоска сыралаахтык ыанньыксытынан үлэлээн, тыа хаһаайыстыбатын сайдыытыгар дьоһун кылаатын киллэрбитэ. Үлэҕэ эҥээрдэһии, бэринии кини дьиэ кэргэнигэр салҕаммыта. Сталин аатынан холкуос бастыҥ механизатора Терентьев Карл Семеновичтыын ыал буолан, 10 оҕону күн сирин көрдөрбүтэ. Биэс уола аҕаларын суолун батан, бастыҥ механизатор буолан, тыа хаһаайыстыбатын үлэтин салҕаабыттара. Клара Серафимовна ийэ улуу күүһүн, күүстээх санаатын холобура буолар. Билигин кини элбэх сиэн, хос сиэн тапталлаах эбэтэ. Кини оҕолоро, сиэннэрэ, хос сиэннэрэ дойду бары эйгэлэригэр үлэлии-хамсыы, сайдыыга дьоһун кылааттарын киллэрсэллэр. Ытык киһибит Клара Серафимовна! Сыралаах, таһаарыылаах үлэҕин, дьиэ кэргэҥҥэр бэриниигин иһин истиҥник махтанан туран, эйиэхэ уонна дьиэ кэргэҥҥэр чэгиэн-чэбдик туругу, этэҥҥэ буолууну, эйэлээх халлааны, бары үтүөнү, дьолу-соргуну баҕарабыт! Оҕолоруҥ, сиэннэриҥ, хос сиэннэриҥ, аймах-билэ чугас дьонуҥ тапталларынан, махталларынан арыаллатан өссө да уһун үйэлэн диэн алгыс тылбытын аныыбыт! Мэҥэ Хаҥалас улууһун дьаһалтатын пресс-сулууспата