Ытыктабыллаах Сахабыт сирин олохтоохторо!
Ытыктабыллаах Сахабыт сирин олохтоохторо! Атырдьах ыйын 14 күнүгэр, Мэҥэ Хаҥалас улууһун Догдоҥо нэһилиэгин Тураахтаах эбэтигэр Дойду үрдүнэн Сомоҕолоһуу, Саха Өрөспүүбүлүкэтигэр Култуура, Мэҥэ Хаҥалас улууһугар Олохтоох Бэйэ Оҥорон Таһаарыы сылларыгар, «Урожай» спортивнай уопсастыба тэриллибитэ 75 сылыгар анаммыт илии хотуурунан от охсуутугар 🌾«ХОДУҺА ХОҺУУТТАРА»🌾 Өрөспүүбүлүкэтээҕи аһаҕас күүлэйгэ ыҥырабыт! Бу күҥҥэ эһигини күүтэр: • саастарынан арахсан илии хотуурунан от охсуутугар күрэхтэһии, • хонуу аһын күрэҕэ, • аһаҕас халлаан анныгар уруһуйдааһын, • Николай Атласов отуу аһынан ыалдьыттары күндүлүөҕэ, • Василий Окороков хотуур таптайыытыгар дьоҕурун үллэстиэҕэ, • Римма Егорова, Нарыйа Иванова чэй оҥоруутугар уһуйуохтара, • ыччат дьоҥҥо аналлаах тэрээһиннэр, • Александр Эверстовтыын сэргэх кэпсэтиилэр, • «Доруобуйаҕын бэрэбиэркэлэн» чэбдигирдэр аахсыйа, • талааннаах биир дойдулаахтарбыт эҕэрдэ кэнсиэрдэрэ, • хапсаҕайга, мас тардыһыытыгар, сүүрүүгэ күрэхтэһиилэр. Бу күн сарсыарда 10:00 ч. Майа сэлиэнньэтин «Кыайыы аартыга» болуоссаттан Тураахтаах эбэтигэр диэри автобус буор босхо илдьэр, киэһээ аҕалар. Барыгытын ыҥырабыт!