МАЙА АЛААҺЫГАР УЛАХАН СУБУОТУННЬУК БУОЛЛА
МАЙА АЛААҺЫГАР УЛАХАН СУБУОТУННЬУК БУОЛЛА Бүгүн, балаҕан ыйын 11 күнүгэр, Майа алааһыгар күргүөмнээх үлэ оргуйда. Үс сыл устата ыытыллыбыт сүҥкэн далааһыннаах үлэ — 200 гектар иэннээх алааһы күрүөлээһин, өрө көтөҕүллүүлээхтик түмүктэннэ. Бу күн 500-тэн тахса туруу үлэһит эр дьон мустан, илии-илиилэриттэн тутуһан, барыта 10-ча килэмиэтир усталаах саҥа, бөҕө-таҕа күрүөнү тутан таһаардылар. Бу үлэ кэнчээри ыччаппыт инникитин, төрөөбүт дойдуга тапталы, өбүгэ сиэрин-туомун туругурдар туһугар анаммыт үйэлээх бэлэх буолар. Маннык үтүө санаанан салайтаран, күүс-көмө буолбут бар дьоммутугар, уолаттарбытыгар, тэрилтэ салайааччыларыгар, эдэриттэн эмэнигэр тиийэ кыттыспыт бар дьоммутугар барҕа махтал! Хаартыскалары бу сигэнэн көр: https://drive.google.com/drive/folders/1BN-i7uiVCWEbJF4uTUF_fHmATUR_BJGT?usp=sharing Мэҥэ Хаҥалас улууһун дьаһалтатын пресс-сулууспата