ДЬОКУТААТТАР СЭБИЭТТЭРИН 29-С УОЧАРАТТААХ СЕССИЯТА
ДЬОКУТААТТАР СЭБИЭТТЭРИН 29-С УОЧАРАТТААХ СЕССИЯТА Бүгүн, балаҕан ыйын 10 күнүгэр, улууспут дьокутааттарын Сэбиэтин 29-с уочараттаах сессията ыытылынна. Сэбиэт бэрэссэдээтэлэ Иннокентий Андросов сессия хаамыытын иилээн ыытта, салайааччылар, тустаах исписэлиистэр, улуус дьокутааттара кыттыыны ыллылар. Сессия көрүллүбүт былаанынан ыытылынна, дьокутааттар бэбиэскэҕэ киирбит уопсайа икки боппуруоһу көрдүлэр. Бастакы боппуруоһунан улуус 2026 сылга уонна 2027–2028 сылларга былааннанар болдьоххо бүддьүөтүн туһунан, РРС-22-3 №-дээх 30.12.2025 сыллааҕы быһаарыыга уларытыылары уонна эбиилэри киллэрии туһунан (иккис ааҕыы) үп салалтатын начаалынньыга Станислав Стручков иһитиннэрдэ. Иккис боппуруоһунан улуус муниципальнай сулууспалаахтарын уонна муниципальнай дуоһунастары толорор дьон хамнастарын төлөбүрүн балаһыанньаҕа уларытыылары киллэрии туһунан экэниэмикэ салалтатын салайааччы Розалия Громова иһитиннэрии оҥордо. Мунньах хаамыытынан боппуруостар, этиилэр киирдилэр. Бэбиэскэнэн көрүллүбүт боппуруостары дьокутааттар өйүүллэрин биллэрдилэр Мэҥэ Хаҥалас улууһун дьаһалтатын пресс-сулууспата