Күндү биир дойдулаахтарым!
Күндү биир дойдулаахтарым! Балаҕан ыйын 18-20 күннэригэр ыытыллыбыт РФ Судаарыстыбаннай Дууматын дьокутааттарын талар быыбардар түмүктэннилэр. Эһиэхэ, күндү биир дойдулаахтарбар, гражданскай иэскитин чиэстээхтик толорон, төрөөбүт дойдубут сарсыҥҥытын түстүүргэ кыттыспыккытыгар барҕа махталбын тиэрдэбин. Быыбар этэҥҥэ, үрдүк тэрээһиннээхтик ааспытынан эһигини эҕэрдэлиибин! Талыллыбыт дьокутааттар норуот интэриэһин көмүскүүргэ, былаас уонна уопсастыба икки ардыларыгар бигэ ситими олохтуурга дьулуһуохтара диэн эрэнэбин. Барыгытыгар чэгиэн доруобуйаны, эйэни, дьолу-соргуну, уйгулаах олоҕу баҕарабын! Сахабыт сирэ, Арассыыйабыт чэчирии сайдарын туһугар салгыы бииргэ үлэлиэҕиҥ! Мэҥэ Хаҥалас улууһун дьокутааттарын Сэбиэтин бэрэссэдээтэлэ Иннокентий Андросов