Сахабыт сирин былааҕын күнүнэн!
Сахабыт сирин былааҕын күнүнэн! Саха Өрөспүүбүлүкэтин Судаарыстыбаннай былааҕа 1992 сыллаахха алтынньы 14 күнүгэр бигэргэммитэ. Онтон ыла бу күнү биһиги өрө көтөҕүллэн, киэн туттан бэлиэтиибит. Былаахпыт түөрт өҥнөөх. Хас биирдиилэрэ дириҥ суолталаахтар. Ол курдук, от күөх – уйгуну-быйаҥы, халлаан күөх – ыраас эйэлээх халлааны, кыһыл – олох кэрэтин, төрөөбүт дойдуга бэриниилээх буолууну — бэлиэтииллэр. Оттон былаах үөһэ ортотугар үрүҥ күн – өбүгэлэри кытары ситими көрдөрөр. Бу бэлиэлэр бары түмүллэн, биһиги өрөспүүбүлүкэбит улуу Арассыыйа быстыспат сорҕото, ону тэҥэ бэйэтэ ураты, баай устуоруйалаах, кэрэ айылҕалаах, күүстээх санаалаах норуоттаах дойду буоларын кэрэһэлииллэр. Мэҥэ Хаҥалас улууһун дьаһалтатын пресс-сулууспата
305 просмотров