Бүгүн, алтынньы ый 15 күнүгэр, сэлиэнньэбитигэр өссө биир үөрүүлээх түгэн тосхойдо. Афа...
Бүгүн, алтынньы ый 15 күнүгэр, сэлиэнньэбитигэр өссө биир үөрүүлээх түгэн тосхойдо. Афанасий Егорович Степанов аатынан уулусса 10/1 нүөмэрдээх 24 кыбартыыралаах дьиэ иннигэр «Уһук Илиҥҥи тиэргэннэр» бырагыраама чэрчитинэн саҥа олох ирдэбилигэр эппиэттиир былаһаакка үөрүүлээх быһыыга арылынна. Кэрэ-бэлиэ күҥҥэ улуус баһылыгын инфраструктураҕа уонна ОДьКХ боппуруостарыгар солбуйааччы Василий Филиппов, «Майа сэлиэнньэтэ» тыа сирин түөлбэтин баһылыгын бастакы солбуйааччы Дмитрий Игнатьев эҕэрдэлээтилэр. Итиэннэ кырачаан оҕолорбут, кэнчээри ыччаппыт: В.П. Ларионов аатынан Майа орто оскуолатын үөрэнээччилэрэ, «Чуораанчык» уонна «Кэнчээри» уһуйааннар иитиллээччилэрэ бэйэлэрин ылбаҕай ырыаларынан кэрэ-бэлиэ күнү киэргэттилэр. Тапталлаах Майабыт чэчирии үүнэ-сайда турарын туһугар үлэлии-хамныы сылдьар дьоммутугар махталбыт муҥура суох. Ол курдук, бу бырайыак олоххо киирэригэр, үлэ ымпыгын-чымпыгын барытын ситэрэн-хоторон, тутан таһаарбыт дьоммутугар барайыак ааптарыгар Мария Егороваҕа, бэдэрээччиккэ Дьулустаан Дмитриевка Майа сэлиэнньэтин салалтатын уонна үтүө дьонун-сэргэтин аатыттан барҕа махталбытын биллэрэбит. Саҥа былаһаакка кэлэр кэнчээри ыччаппыт бириэмэтин сөпкө атаарарыгар, салгыҥҥа сылдьан этэ-сиинэ бөҕөргүүрүгэр, чэгиэн-чэбдик туруктанарыгар туһалаах буоллун. Майа олохтоох дьаһалтата