ДЬОКУТААТТАР СЭБИЭТТЭРИН 31-С УОЧАРАТТААХ СИЭССИЙЭТЭ
ДЬОКУТААТТАР СЭБИЭТТЭРИН 31-С УОЧАРАТТААХ СИЭССИЙЭТЭ Бүгүн улууспут дьокутааттарын Сэбиэтин 31-с уочараттаах сиэссийэтэ ыытылынна. Мунньаҕы Сэбиэт бэрэссэдээтэлэ Иннокентий Андросов иилээн ыытта. Дьокутааттар бэбиэскэҕэ киирбит уопсайа 9 боппуруоһу көрдүлэр. Бастакы боппуруоһунан улуус дьокутааттарын Сэбиэтигэр Март Андреев киириитэ буолла. Киниэхэ үлэтигэр ситиһиилэри баҕаран туран Сэбиэт бэрэссэдээтэлэ, Иннокентий Андросов, удастабырыанньа уонна үрүҥ көмүс бэлиэни туттарда. Иккис боппуруоһунан Сэбиэт иһинэн үлэлиир 7 хамыыһыйа бэрэссэдээтэллэрин уонна чилиэннэрин ылынарга куоластааһын буолла. Салгыы Оройуоннааҕы дьокутааттар Сэбиэттэрин Регламеныгар уларытыылары, эбиилэри киллэрии туһунан Леонид Николаев иһитиннэрии оҥордо. "Мэҥэ Хаҥалас улууһа" муниципальнай оройуон Устаабыгар уларытыылары, эбиилэри киллэрии туһунан оройуон дьаһалтатын сүрүн исписэлииһэ Иннокентий Лыткин сырдатта. Улуус быйылгы сылга уонна 2027-2028 сылларга былааннанар болдьоххо бүддьүөтүн туһунан, РРС-22-3 №-дээх 30.12.2025 сыллааҕы быһаарыыга уларытыылары уонна эбиилэри киллэрии туһунан (иккис ааҕыы) үп салалтатын салайааччыта Станислав Стручков уонна улуус дьаһалтатын ааҕар-суоттуур хонтуруоллуур балаататыттан Василиса Эверстова иһитиннэрии оҥордулар. Массыына тырааныспарын, куорат устун айанныыр электрическэй тырааныспар уонна суол хаһаайыстыбатын боппуруостарыгар муниципальнай хонтуруолга уларыйыылар туһунан суол-иис, тырааныспар хаһаайыстыбатын салаатын салайааччыта Нюргун Оконешников сиһилии кэпсээтэ. Холгума нэһилиэгэр сири-уоту туһаныы уонна тутуу быраабылаларын туһунан улуус хапытаалынай тутуу салалтатын салайааччытын солбуйааччы Сахаяна Сергучева билиһиннэрдэ. Улуустааҕы үөрэх салалтатын иһитиннэриитин салайааччыны солбуйааччы Эльмира Апросимова оҥордо. Олох-дьаһах коммунальнай хаһаайыстыба иһитиннэриитин салайааччы Иннокентий Яковлев билиһиннэрдэ. Мунньах хаамыытынан боппуруостар, этиилэр киирдилэр. Бэбиэскэнэн көрүллүбүт боппуруостары дьокутааттар өйүүллэрин биллэрдилэр. Мэҥэ Хаҥалас улууһун дьаһалтатын пресс-сулууспата