Бүгүн, бэс ыйын 11 күнүгэр, улууспутугар «Биир ньыгыл Россия» партия олохтоох салаатын ... — 11 июня 2026 г. в 08:05:12.195
Бүгүн, бэс ыйын 11 күнүгэр, улууспутугар «Биир ньыгыл Россия» партия олохтоох салаатын конференциятын салайан ыыттым. Мунньахха 4 сүрүн боппуруоска тохтоотубут. 1) Россия Госдуматын IX ыҥырыылаах Судаарыстыбаннай Дууматын депутаттарыгар кандидаттары талар барыллаан куоластааһын хайдах ааспытын уонна кимнээх кандидаттарга киирэн эрэллэрин дьүүллэстибит. Саха сирин үрдүнэн уопсай түмүгүнэн биһиги улуус биир бастыҥнар кэккэлэригэр киирэн, 4-с миэстэни ыллыбыт. Ол курдук, партийнай испииһээгинэн Сахатын сирин туһугар үгүс үтүмэн үтүөлээх салайааччыбыт Галина Данчиковаҕа, онтон биир мандааттаахха кандидатынан СӨ ыччакка миниистирэ Петр Шамаев талылыннылар. Бу кандидаттар күһүҥҥү быыбарга кыайан, Сахабыт сирин уонна улууспут сайдыытыгар ыкса үлэлэһиэхтэрэ диэн эрэнэбин. Барыллаан куоластааһыҥҥа ордук көхтөөхтүк куоластаан, республика үрдүнэн 1-кы уонна 5-с миэстэлэри ылан, Быракаан уонна Балаҕаннаах нэһилиэктэрэ 40 000 бириэмийэнэн наҕараадаланнылар. 2) СӨ Ил Түмэнин депутаттарыгар 15 №-дээх биир мандааттаах быыбардыыр уокурукка биһиги улуустан 3 кандидат Балаҕаннаах нэһилиэгин чаҕылхай ыччата, М.К. Аммосов аатынан ХИФУ устудьуона Никита Яянитов, айылҕа харыстабылын инспекциятын биологическай ресурсалар уонна ураты харыстанар айылҕа территорияларын, пааркаларын дирекциятын старшай госинспектора, улуус бэтэрээннэрин Сэбиэтин бэрэссэдээтэлин солбуйааччы Василий Титов уонна АКБ "Алмаасэргиэнбаан" АО бэрэссэдээтэлэ Николай Долгунов турдулар. Кинилэртэн кандидаты талыыга бэс ыйын 15-17 күннэригэр барыллаан онлайн-куоластааһыҥҥа 750 эрдэттэн испииһэктэммит дьоммут кыттыахтара. 3) Бу күннэргэ нэһилиэктэр баһылыктара "Биир ньыгыл Россия" партия чилиэннэрин мунньан, сэкирэтээри уонна 3-4 киһилээх сэбиэти талан, от ыйын 1 күнүгэр диэри испииһэги ыытыахтаахтар. Маныаха сэкирэтээринэн хайаан да нэһилиэк баһылыгын буолбакка, көхтөөх позициялаах, чахчы үлэлэһэр киһини талыахха сөп. 4) «Биир ньыгыл Россия» партия Саха сиринээҕи региональнай салаата Дьокуускай куоракка бэс ыйын 18 күнүгэр ыытыахтаах конференциятыгар Үөһээ Бүлүү улууһун аатыттан Дьокуускайга биһиги улуустан представительство салайааччыта Михаил Михайлович Егоров, П.Н. Тобуруокап аатынан норуот айымньытын киинин директорын эбээһинэһин толорооччу Уйгулаана Владимировна Гаврильева уонна Балаҕаннаах нэһилиэгиттэн ОДьКХ үлэһитэ Сырдын Чаҥый Боло Уола талылыннылар. #БиирньыгылРоссия #ИлТүмэн #Конференция http://T.me/ValeriNikolaev