Ытыктабыллаах Үөһээ Бүлүү улууһун тыа хаһаайыстыбатын үлэһиттэрэ, бэтэрээннэрэ, эдэр ис...
Ытыктабыллаах Үөһээ Бүлүү улууһун тыа хаһаайыстыбатын үлэһиттэрэ, бэтэрээннэрэ, эдэр исписэлиистэрэ! Үөһээ Бүлүү улууһун дьаһалтатын аатыттан уонна тус бэйэм ааппыттан эһигини барыгытын Тыа хаһаайыстыбатын уонна астыыр-таҥастыыр бырамыысыланнас үлэһиттэрин күнүнэн итиитик-истиҥник эҕэрдэлиибин! Сахабыт Сирин уустук, ыарахан айылҕатын усулуобуйатыгар тыа хаһаайыстыбатын сайыннарыы – дьиҥнээхтик хорсун быһыыны, дьулууру, күүстээх өйү-санааны ирдиир үлэ. Биһиги тыа хаһаайыстыбатын ыарахаттарыттан толлубакка, сүөһүнү, сылгыны иитиигэ, сиртэн үүнээйини ылыыга, тыа хаһаайыстыбатын бородууксуйатын оҥорон таһаарыыга бэриниилээхтик үлэлиир дьоммутунан олус киэн туттабыт. Махтанабыт биһиги улууспут хас биирдии нэһилиэгэр үлэлии-хамсыы сылдьар тыа хаһаайыстыбатын исписэлиистэригэр, тыа сирин сөргүтэргэ сүдү кылааты киллэрэр тэриллиилээх хаһаайыстыбаларга, кэтэх хаһаайыстыбаларга уонна бары фермердарга. Билигин тыа хаһаайыстыбата саҥа сайдыы кэрдииһигэр турар. Саха Өрөспүүбүлүкэтин Ил Дархана Айсен Сергеевич Николаев көҕүлээһининэн олоххо киирэр саӈа бырагырааммалар тыа сирин сайдыытыгар төһүү күүс буолаллар, саӈа саҕахтары арыйаллар. Ол курдук, "Сүөһү аһын хааччыйыы бырагыраамманан" бааһына күрүөлэрэ тутуллаллар, оттуур техникалар ылыллаллар, сүөһүлэр-сылгылар аһынан хааччыллаллар. Тыа хаһаайыстыбатын сайыннарыы саӈа мезанизымын үлэтин түмүгэр улууска "Кыра кыамталаах хотоннору тутуу, саӈардыы" бырагырааммата үлэлээн быйыл 2 хотону эдэр фермер ыаллар туттан киллэрдилэр. Бу ыаллар биир сыл иһигэр сүөһүлэрин, ыанар ынахтарын ахсаанын элбэтэн, бэйэлэрин төрөөбүт дойдуларыгар сүдү кылаат киллэрэр кэскиллээх, киэн туттар ыччаттарбыт буолаллар. Маны сэргэ, биһиги киэн туттабыт бэйэлэрин күүстэринэн үлэлии-хамсыы, сайда сылдьар тирэхтээх фермердарбытынан! Инникитин даҕаны судаарыстыба, өрөспүүбүлүкэ ыытар бырагырааммаларыгар көхтөөхтүк, ситиһиилээхтик кыттан, тыа хаһаайыстыбатын сайыннарарга, тэриллиилээх хаһаайыстыбаларбытын өйөөһүҥҥэ элбэх болҕомтону уурарга, үлэни ыытарга сыал-сорук туруорабыт. Биһиги сорукпут – тыа сирин олоҕун хаачыстыбатын үрдэтии, эдэр ыччаты төрөөбүт сиригэр үлэлии хаалларыы, улууспут тыа хаһаайыстыбатын өссө күүһүрдүү. Ытыктабыллаах тыа хаһаайыстыбатын үлэһиттэрэ, бэтэрээннэрэ! Бу дьоро күҥҥэ эһиэхэ баҕарабын чэгиэн-чэбдик туругу, дьолу-соргуну, үлэҕитигэр саҥа ситиһиилэри, ыраас халлааны, чэгиэн туругу, быйаҥнаах бааһынаны, үрдүк үүнүүнү уонна дьоһун дохуоту! Истиҥ эҕэрдэни кытта, Үөһээ Бүлүү улууһун баһылыга В.В. Николаев #ДеньРаботникаСельскогоХозяйства #ВерхневилюйскийУлус #ТыаСирэ #ТыаХаһаайыстыбата #СельскоеХозяйство #ВместеТолькоВперед max.ru/channel_VNikolaev