Олох-дьаһах хаачыстыбатын тупсарыыга туһуламмыт кэлим үлэ — 16 июня 2026 г. в 01:51:02.995
Олох-дьаһах хаачыстыбатын тупсарыыга туһуламмыт кэлим үлэ Үөһээ Бүлүү улууһугар нэдиэлэ ахсын, үгэс быһыытынан, социальнай хайысхалаах тэрилтэлэр үлэлэрин сүбэ мунньаҕа ыытыллар. Бу мунньах улуус олохтоохторун олохторун-дьаһахтарын таһымын тупсарар, социальнай көмөнү күүһүрдэр сыалтан тэриллэр.Мунньаҕы улуус баһылыгын социальнай боппуруостарга уонна дьиэ кэргэн политикатыгар солбуйааччы Анна Михайловна Уларова салайан ыытар. Сүбэ мунньах сүрүн сыалынан-соругунан улууска социальнай өҥөнү оҥорор тэрилтэлэр үлэлэрин дьүөрэлээһин, тиһигин быспат сибээһи олохтооһун, үлэ хаамыытын кэтээн көрүү уонна инники былааннары бииргэ ырытыы буолар. Мунньах кэмигэр социальнай эйгэ тэрилтэлэрэ (үөрэх, доруобуйа харыстабыла, социальнай көмүскэл, культура, спорт, ыччат политиката, нэһилиэнньэни үлэнэн хааччыйыы уо.д.а.) ааспыт нэдиэлэтээҕи үлэлэрин түмүгүн отчуоттууллар уонна кэлэр кэмҥэ былааннарын билиһиннэрэллэр. Итини таһынан, улууска ыытыллар араас тэрээһиннэр, дьон олоҕун таһымыгар дьайар кыһалҕалаах боппуруостар, саҥа бырайыактар уонна көҕүлээһиннэр ырытыллаллар. Маннык нэдиэлэтээҕи мунньахтар тэрилтэлэр бэйэ-бэйэлэрин үлэлэрин билсэн, биир кэлимник үлэлииргэ, кыһалҕалары түргэнник быһаарарга уонна, саамай сүрүнэ, улуус хас биирдии олохтооҕун олоҕун таһымын тупсарыыга туһуламмыт үлэ көдьүүһүн үрдэтэллэр. Галина Васильева #Көмүскэл #Социальныйблок