Убаастабыллаах Үөһээ Бүлүү улууһуттан төрүттээх байыаннай дьайыы бэтэрээннэрэ! — 1 июля 2026 г. в 05:21:09.310
Убаастабыллаах Үөһээ Бүлүү улууһуттан төрүттээх байыаннай дьайыы бэтэрээннэрэ! Үөһээ Бүлүү улууһун дьаһалтатын уонна тус бэйэм ааппыттан эһигини "Байыаннай дьайыы бэтэрээннэрин күнүнэн" ис сүрэхпиттэн истиҥник эҕэрдэлиибин! Бу күн – эһиги дойдубут инники кэскилин туһугар оҥорбут хорсун быһыыгытын, кыайыыгытын-хотуугутун, олоххутун харыстаабат тулуургутун, сындалыйбат дьулуургутун ахтар-саныыр, үрдүктүк сыаналыыр ытык күн. Эһиги бэриниилээх сулууспаҕыт, эйэлээх олоҕу уонна дойдубут көмүскэлин хааччыйаргыт – барыбытыгар холобур, кэлэр көлүөнэҕэ үтүө үөрэх буолар. Хааннаах кыргыс толоонугар хорсуннук сэриилэһэн, эйэлээх олоҕу олохтооһуҥҥа киллэрбит кылааккыт – сыаната суох. Биһиги эһиги геройдуу быһыыгытынан киэн туттабыт, дириҥник махтанабыт! Күндү бэтэрээннэрбит ааттара үйэлэртэн үйэлэргэ ааттана турдун! Барыгытыгар чэгиэн доруобуйаны, дьолу-соргуну, эйэлээх олоҕу баҕарабын! Эһиги дьиэ кэргэттэргитигэр, чугас дьоҥҥутугар ыраас таптал, бигэ тирэх, дьоһун олох тосхойо турдун! Махтал! Уруй-Айхал! Ис сүрэхтэн ытыктабылы кытта, Үөһээ Бүлүү улууһун баһылыга Валерий Николаев #Байыаннайдьайыыбэтэрээнэ #Патриотизм #Махтал