Ытыктабыллаах тренербит Андрей Иннокентьевич, жокейдар Сергей Николкин, Валерий Пальник... — 27 июня 2026 г. в 12:42:27.267
Ытыктабыллаах тренербит Андрей Иннокентьевич, жокейдар Сергей Николкин, Валерий Пальников уонна Дьөһөгөй оҕолорун сүүрдүүтүн кэрэхсээччилэр, күндү бар дьонум! Үөһээ Бүлүү улууһун дьаһалтатын уонна тус бэйэм ааппыттан бүгүн, бэс ыйын 27 күнүгэр, Үс Хатыҥ "Дьөһөгөй" ипподромугар ыытыллыбыт Саха Өрөспүүбүлүкэтин Ил Дарханын XXII бирииһигэр ат сүүрдүүтүгэр 2400 миэтэрэ дистанцияҕа Үөһээ Бүлү улууһун аатыттан сүүрбүт аппыт АТОМИК БОЙ кэтэһиилээх 02 мүн. 37,77 сөк. кэлэн БАСТАКЫ уонна ИССАД 02 мүн. 38, 67 сөк. кэлэн ТӨРДҮС миэстэлэри ылбыттарынан ис сүрэхпиттэн улаханнык үөрэн, долгуйан туран эҕэрдэлиибин уонна истиҥ махталбын тиэрдэбин! Бу сырыыга өрөспүүбүлүкэбит бастыҥ ыраас хааннаах аттара мустан, уопсайа 5 мөл. солкуобай бириис фондалаах 2400 миэтэрэ дистанцияҕа эрийсиилэээх сүүрүүгэ киирсэн, улаханнык күүртүлэр, өрүкүттүлэр. Төрдүс миэстэлээх Иссадка 500 тыһ. солк., оттон Атомик Бойга 2500 мөл. солк. харчынан бириэмийэни Сахабыт сирин Ил Дархана бэйэтинэн туттарда! Улууспут аатыттан бу үрдүк таһымнаах күрэххэ икки чулуу аттарбытын бэлэмнээбит тренер Андрей Иннокентьевичка өр сыллаах, үтүө суобастаах иһин дириҥ махталбын өссө төгүл аныыбын. Атомик Бойу маастар-жокей Сергей Николкин сүүртэ, оттон Иссадка анаан Россияҕа 1-кы категориялаах, уопуттаах жокей Валерий Пальников анаан-минээн көтөн кэлбитэ. Бу икки ат, кинилэри эрчийбит тренер Андрей Неустроев уонна маастар-жокейдар Сергей Николкин, Валерий Пальников улууспут чиэһин чахчы да үрдүк таһымҥа көмүскээтилэр! Сүҥкэн үөрүүнү бэлэхтээбит Дьөһөгөй оҕолоругар Атомик Бойга уонна Иссадка уруй-айхал! Ис сүрэхтэн ытыктабылы кытта, Үөһээ Бүлүү улууһун баһылыга Валерий Николаев http://T.me/ValeriNikolaev