🌾От ыйын 9 күнүгэр СӨ Россельхознадзорун салалтатын инспектордара: Ирина Анатольевна С... — 10 июля 2026 г. в 12:51:28.600
🌾От ыйын 9 күнүгэр СӨ Россельхознадзорун салалтатын инспектордара: Ирина Анатольевна Степанова уонна Александр Ню-Ши-Чан улууспутугар тыа хаһаайыстыбатын салалтатыгар үлэ сырыытынан кэлэн бардылар.Аан бастаан инспектордар Хоро нэһилиэгэр тахсан оскуола ОСХПК "Чэчир" бааһынатыттан нематодаҕа анаалыс ыллылар. Кинилэри Хоро нэһилиэгин тыатын хаһаайыстыбатын исписэлииһэ Сусанна Анатольевна Касьянова иилээн- саҕалаан илдьэ сырытта. Салгыы кинилэр Нам нэһилиэгэр үлэлээтилэр. "Нам нэһилиэгэр Үҥкүүлүүр Хонуу уонна Ходоо бааһыналарыттан эбиэс уонна буор анаалыһын пробатын ыллылар.Соҕурууттан кэлэр сиэмэлэр ирдэбил быһыытынан хайаан да анаалыстаныахтаахтар, бэрэбиэркэни ааһыахтаахтар диэн эттилэр. Кинилэр маны таһынан оскуола икки бааһынатыттан нематодаҕа буор уонна хортуоппуй анаалыстарын ыллылар," - диэн Нам нэһилиэгин тыатын хаһаайыстыбатын исписэлииһэ Виталина Джулистановна Михайлова кэпсээтэ. #Тыахаһаайыстыбата #сирүлэтэ