#планерка — 3 августа 2026 г. в 02:10:28.433
#планерка Педагогическай колледж улуустааҕы филиалыгар миэстэ хаалан турар "С.Ф.Гоголев аатынан Дьокуускайдааҕы педагогическай колледж" судаарыстыбаннай автономнай үөрэх тэрилтэтэ 2026-27 үөрэх дьылыгар Үөһээ Бүлүү улууһун филиалыгар устудьуоннары сүүмэрдиир үлэтин туһунан үөрэххэ тутуу хамыыһыйатын исписэлииһэ Шахноза Батиральевна Егорова иһитиннэрдэ. Билиҥҥи туругунан алын сүһүөх учууталыгар үөрэниэн баҕалаах 6 абитуриент докумуонун туттарбыт. Уопсайа 12 миэстэ көрүллэн турар. Атырдьах ыйын 15 күнүгэр докумуон тутуута түмүктэнэр. Нэһилиэктэр оскуолаларын дириэктэрдэрэ алын сүһүөх кылаас учуутала буолуон баҕалаах олохтоохторуттан, ыччат дьонуттан сайаапка биэрэн үөрэттэрэргэ үлэлэһиэхтээхтэр диэн испэсэлиистэр бэлиэтээтилэр. @uoheebuluu