#ФестивальВыпускников — 23 августа 2026 г. в 07:48:01.228
#ФестивальВыпускников Выпускниктар бэстибээллэрэ түмүктэннэ Выпускниктар бэстибээллэрин түмүктүүр үөрүүлээх чаас саҕаланна. Кыайыылаахтар ааттарын ааттыыр дьоро тэрээһиҥҥэ улуус баһылыга Валерий Николаев эҕэрдэ тылыгар өрөспүүбүлүкэ таһымнаах тэрээһин сүрүн спонсорыгар "Алмазэргиэнбаан" АКБ салайааччытыгар Николай Долгуновка, ону тэҥэ бу көлүөнэлэри түмэр бырааһынньык тэрээһинигэр кыттыспыт, кыттыыны ылбыт, күүс-көмө буолбут, өйөөбүт дьоҥҥо-сэргэҕэ ис сүрэҕиттэн махтанна. Саха сирин выпускниктарын уопсастыбаннай түмсүүтүн салайааччыта Альберт Соров олус улахан тэрээһин бэрт чэпчэкитик тэриллибититтэн астыммытын биллэрдэ. Толору хааччыллыылаах ыһыахтыыр түһүлгэ Үөһээ Бүлүүгэ эрэ баарын бэлиэтээн туран, үлэлии, күрэхтэһэ уонна сынньана кэлбит ыалдьыттарга бары усулуобуйаны тэрийбиттэригэр махтанна: "35-гэр диэри саастаах дьоҥҥо өрөспүүбүлүкэ үрдүнэн араас таһымнаах тэрээһиннэр ыытыллаллар, оттон бу биһи саастаах көлүөнэлэр хабыллыбакка хаалабыт. Ол иһин бэйэбит бэйэбитигэр маннык үчүгэй бырааһынньыгы тэрийэн, оҕо сааспытыгар төннөн, хара илиилэринэн үлэлиир дьонтон саҕалаан учуонайдарга тиийэ бары биһиги - выпускниктарбыт" - диэн төлөннөөх тылларынан эҕэрдэ тылын түмүктээтэ. "Алмазэргиэнбаан" АКБ генеральнай дириэктэрэ Николай Долгунов өрөспүүбүлүкэбит, дойдубут бу выпускниктар түмсүүлэрин курдук куруук түмсүүлээх буоларыгар баҕаран туран, Саха сирин выпускниктарыгар бэйэтин эҕэрдэтин тириэртэ. Култуура уонна спорт IV бэстибээлэ эһиил, 2027 сылга Амма улууһугар ыытыллыаҕа. @uoheebuluu