Үөһээ Бүлүү улууһун Өрөгөйүн ырыата симфоническай оркестр доҕуһуолунан саҥалыы тыыннана...
Үөһээ Бүлүү улууһун Өрөгөйүн ырыата симфоническай оркестр доҕуһуолунан саҥалыы тыыннанан иһиллиэҕэ! Үөһээ Бүлүү улууһун Өрөгөйүн ырыата Г.М. Кривошапко аатынан Саха Өрөспүүбүлүкэтин государственнай филармониятын музыканнарын доҕуһуолунан, улууспут баһылыга Валерий Валерьевич Николаев сорудаҕынан уонна этиитинэн саҥа тыыннанан оҥоһулунна. Бу күннэргэ симфоническай оркестр запиһа, ону тэҥэ филармония хорун уһуллуулара бара турар. Сотору кэминэн бу дьоһуннаах айымньыны киэҥ эйгэҕэ таһааран, улууспут хас биирдии олохтооҕо филармония орексторын доҕуһуолунан оӈоһуллубут Өрөгөй ырыатын истиэхтэрэ. Санатан этэр буоллахха, Өрөгөйбүт ырыатын тылларын Н.Егоров, музыкатын А.Васильев суруйбуттара. Үөһээ Бүлүү улууһун Өрөгөйүн ырыатын оркестр доҕуһуолун музыкатын оҥордо биһиги киэн туттар биир дойдулаахпыт, бүгүҥҥү күҥҥэ Саха Сирин саамай биллиилээх композитора, аҕыс опера, алта балет, икки симфония автора, бастакы сахалыы духовнай опера уонна национальнай музыкальнай комедия айааччыта, Российскай Федерация култууратын Үтүөлээх үлэһитэ, Үөһээ Бүлүү улууһун Бочуоттаах олохтооҕо Владимир Ксенофонтов. Кини айымньылаах үлэтэ улууспут Өрөгөйүн ырыатыгар саҥа тыыны киллэрэн, улууспут духуобунай сыаннастарын өссө үрдүк таһымҥа таһаарыаҕа диэн эрэнэбит. Түгэнинэн туһанан Г.М. Кривошапко аатынан Саха Өрөспүүбүлүкэтин государственнай филармониятын салайааччытыгар Туйаара Пестряковаҕа уонна хор коллективыгар, оркестр музыканнарыгар истиҥ махталбытын тиэрдэбит. Саха Өрөспүүбүлүкэтин филармониятын оркесторын доҕуһуолунан иһиллэр Өрөгөйбүт ырыата биһиги сүрэхпитигэр дойдуга таптал уотун саҕан, саҥа ситиһиилэргэ көҕүлээтин! Үөһээ Бүлүү улууһун дьаһалтатын пресс сулууспата. #ҮөһээБүлүү #ӨрөгөйЫрыата #ЯкутскаяФилармония https://max.ru/id1407005163_gos