"Хотун Бүлүү Live Fest" фестиваль Үөһээ Бүлүү киинигэр, "Үс Хоһуун" стадиоҥҥа ыытылынна... — 28 августа 2026 г. в 16:13:48.802
"Хотун Бүлүү Live Fest" фестиваль Үөһээ Бүлүү киинигэр, "Үс Хоһуун" стадиоҥҥа ыытылынна. "Үөһээ Бүлүү түмсэр" диэн ыҥырыы тыллаах тэриллибит тэрээһин, улууспут дьонун-сэргэтин түмтэ. Фестиваль сүрүн сыала-соруга – Үөһээ Бүлүү дьоҕурдаах дьонуттан саҥа ааттары таһаарыы, эдэр ыччаппыт талаанын өйөөһүн уонна кинилэр айар дьоҕурдарын сайыннарыы буолар. Бу күн "Үс Хоһуун" стадион сценатыгар Үөһээ Бүлүүттэн силис-мутук тардар эстрада артыыстара, ырыаһыттар уонна саҥа сулустар ырыаларын дьиэрэттилэр. Фестиваль кыттыылаахтарын уонна ыччаттары эҕэрдэ тылынан Үөһээ Бүлүү улууһун баһылыга Валерий Николаев уонна "Алмазэргиэнбанк" АКБ Генеральнай директора, биһиги биир дойдулаахпыт Николай Долгунов көрүстүлэр. Тэрээһиӈӈэ биһиги бары сөбүлээн истэр ырыаһыттарбыт: Алексей уонна Екатерина Егоровтар, Милена Борисова, Үөһээ Бүлүү чаҕылхай сулустара Иван Лаврентьев, Дьулустан Чуручанов, эдэр сулустар Дамир Босиков, Дьулустаан Колесов, Роменский, Максим Дмитриев, GUWAPO уонна да атыттар ырыаларын бэлэхтээтилэр. Маны сэргэ, Өргүөт нэһилиэгиттэн сыдьааннаах, Саха Сирин биллэр иллюзиониһа Дьулустаан Павлов алыптаах фокустарын көрдөрөн, дьону-сэргэни соһутта, үөртэ. "Хотун Бүлүү Live Fest" фестиваль сыл ахсын ыытыллар фестиваль. Быйыл иккис төгүлүн талба талааннаах биир дойдулаахтарбытын түмэн, саӈа ааттары арыйда. #ХотунБүлүүLiveFest #ХотунБүлүү T.me/admvervil