Д. С. Спиридонов аатынан Үөһээ Бүлүү улууһун гимназиятыгар Билии күнүгэр анаммыт үөрүүл...
Д. С. Спиридонов аатынан Үөһээ Бүлүү улууһун гимназиятыгар Билии күнүгэр анаммыт үөрүүлээх линейкаҕа кыттыыны ыллым. Быйыл улуустааҕы гимназияҕа 467 оҕо саҥа үөрэх дьылын саҕалаатылар, ол иһигэр 46 оҕо маҥнайгы кылааска үөрэнэ киирдилэр. Улуустааҕы гимназия ааспыт үөрэх сылын үрдүк көрдөрүүлээхтик түмүктээбитэ. Ол курдук, улуус үрдүнэн 34 оҕо үрдүк үөрэххэ киирбит эбит буоллаҕына, 17 оҕо улуустааҕы гимназия выпускниктара буолаллар. Маны таһынан, улуустааҕы гимназия өрөспүүбүлүкэ үрдүнэн профильнай кылаастаах оскуолаларга химияҕа 3-с миэстэҕэ тахсыбыта олус хайҕабыллаах. Санатан эттэххэ, быйылгы үөрэх сылын түмүгэр улууспут өрөспүүбүлүкэ үөрэҕэриитигэр 26-с миэстэҕэ таҕыста, былырыын 32-с миэстэҕэ, онтон 34-с миэстэҕэ баар этэ. Бу ситиһиигэ улуустааҕы гимназия коллективын, үөрэнээччилэрин кылаата сүӈкэн. Гимназия үөрэнээччилэригэр, учууталларыгар уонна төрөппүттэригэр саҥа үөрэх дьылыгар ситиһиилэри, билиигэ тардыһыыны уонна үтүө санааны баҕарабын. #1сентября #БалаҕанЫйын1Күнэ #БилииКүнэ #ДеньЗнаний #ВВУГ #ҮөһээБүлүү max.ru/channel_VNikolaev