Үөһээ Бүлүү улууһун киин библиотекатын хапытаалынай өрөмүөнүн былаанныыр мунньах ыытылы...
Үөһээ Бүлүү улууһун киин библиотекатын хапытаалынай өрөмүөнүн былаанныыр мунньах ыытылынна. Мунньахха Саха Өрөспүүбүлүкэтин култуура уонна духуобунай сайдыы министиэристибэтин судаарыстыбаннай аналыктарын хааччыйыы салаатын салайааччыта Донской Сергей Валерьевич кыттыыны ылла. Үөһээ Бүлүү улууһун киин библиотекатын хапытаалынай өрөмүөнэ Российскай Федерация Култуура министиэристибэтэ биэрэр үбүнэн оӈоһуллуоҕа. Бу үбүлээһин "Дьиэ кэргэн" национальнай бырайыак чэрчитинэн үлэлиир "Дьиэ кэргэн сыаннастара уонна култуура инфраструктурата" федеральнай бырагыраамма көмөтүнэн, ону тэҥэ Саха Өрөспүүбүлүкэтин култуура министиэристибэтин ыкса үлэлэһиитинэн уонна өйөбүлүнэн көрүллүөҕэ. Хапытаалынай өрөмүөн үлэтэ 2028 сылга диэри түмүктэнэрэ былааннанар. Бүгүҥҥү мунньахха Үөһээ Бүлүүтээҕи УПСИРИ салайааччытыгар Роман Иннокентьевич Хобусаровка уонна улуустааҕы киин библиотека салайааччытыгар Тамара Герасимовна Саввиноваҕа хаачыстыбалаах үлэни ыытарга, ирдэнэр докумуоннары кэмигэр толорорго сорудахтаатым. Улууспут киин библиотеката 2028 сылга диэри саӈардыллан, олохтоохтор, ыччаттар саҥа, аныгылыы ирдэбиллэргэ эппиэттиир библиотекаҕа үөрэнэр, сайдар, сынньанар кыахтаныахтара. #НациональныеПроекты #НациональныеПроектыЯкутия #НацпроектСемья #ВерхневилюйскийРайон max.ru/channel_VNikolaev