#планерка
#планерка Үөһээ Бүлүү улууһугар сокуону, бэрээдэги кэһии туругун туһунан Үөһээ Бүлүүтээҕи ис дьыала отделын бэрээдэги бөҕөргөтөр салаатын салайааччытын быстах кэмҥэ эбээһинэһин толорооччу, полиция майора Вячеслав Семенович Потапов иһитиннэрдэ. Нэдиэлэ устата ис дьыала отделын дьуһуурунай чааһыгар 47 иһитиннэрии киирбит, онтон 4 эт-хаан эчэйиитэ, суоппар бырааба быһыллан баран массыына ыыта сылдьыбыт киһи тутуллубут. Ону тэҥэ өлөрүүнэн куттааһын бэлиэтэммит. Дьуһуурунай чааска 3 киһи тутуллан киирэн тахсыбыт. Уопсайа нэдиэлэ устата 80 административнай боротокуол толоруллубут. Ол иһигэр участковайдар 3 боротокуолу толорбуттар. ГАИ сотрудниктара нэдиэлэ устата 77 ыстараап уонна сэрэтии боротокуолун толорбуттар. Арыгы испит туруктаах 2 суоппар уруулга олорон тутуллубут. @uoheebuluu