#планерка
#планерка Сокуоннай саастарын ситэ туола илик оҕолор дьыалаларын көрөр уонна бырааптарын көмүскүүр хамыыһыйа үлэтин туһунан улуус баһылыгын социальнай боппуруостарга уонна дьиэ кэргэн бэлиитикэтигэр солбуйааччыта, хамыыһыйа бэрэссэдээтэлэ Анна Михайловна Уларова иһитиннэрдэ. Хамыыһыйаҕа 15 профилактикаҕа сыһыаннаах тэрилтэ салайааччылара, уопсастыбаннай хамсааһыннар бэрэссэдээтэллэрэ киирэллэр. Быйыл 30 мунньах ыытыллыбыт эбит буоллаҕына, Мантан 6-та суһал бэрээдэгинэн ыытылынна. 2025 сылга 106 уураах тахсыбыт, оттон быйыл, алтынньыга үктэнэн баран, уопсайа 39 уураах тахсыбыт. Хомойуох иһин, буруйу оҥоруу икки төгүл үрдээбитэ бэлиэтэммит. 1 уоруу (РФ ХК 158 ыст.), 2 оҕону кырбааһын (РФ ХК 112 ыст.), 2 дропперство (харчыны сокуоннайа суох ыытыы), 1 күүһүлээһиҥҥэ өттөйүү (РФ ХК 131 ыст.) уонна 1 террористическай буруйу оҥорууга бэлэмнэнии тахсыбыт. Бу буруйдар 13, 14, 17 саастаах оҕолортон тахсыбыт. Эрдэ хамыыһыйаҕа бэлиэтэнэ сылдьыбыт оҕолортон иккистээн буруйу оҥоруу бэлиэтэммэтэх. Маннык ыар буруйдар тахсыбаттарын туһугар төрөппүт хонтуруола күүһүрүөхтээх. Аныгы үйэ сиэринэн төлөпүөн, компьютер доҕордоох оҕо тугунан дьарыктанарын, ханнык каналларга, социальнай ситимнэргэ олорорун билиэхтээхтэр. Оҕолор үөрэх кэннэ эбии дьарыктаах буолаллара ирдэнэр. Холуобунай эппиэтинэс туһунан билиилэрэ суоҕа, дьиэ кэргэҥҥэ уустук балаһыанньа маннык ыар буруйдары оҥорууга тириэрдибит диэн хамыыйа үлэһиттэрэ бэлиэтээбиттэр. Төрөппүт эбээһинэһин ситэ толорботох дьиэ кэргэттэр Үөһээ Бүлүүттэн, Намтан Тамалакаантан хамыыһыйа учуотугар тураллар. Хамыыһыйа бу сыл устата уопсайа оптуорунньук уонна бээтинсэ ахсын 47 рейдэ оҥорбут. Улуус киинин оскуолаларынан 447 төрөппүт уопсай төрөппүт мунньаҕа кыттыыны ылбыт. @uoheebuluu