Бүгүн Үөһээ Бүлүү улууһугар "Кыра кыамталаах хотоннору тутуу уонна саҥардыы" бырагыраам...
Бүгүн Үөһээ Бүлүү улууһугар "Кыра кыамталаах хотоннору тутуу уонна саҥардыы" бырагыраамматынан төрдүс хотон үлэҕэ киирдэ. Сарсын, алтынньы 10 күнүгэр, бэһис хотон Мэйик нэһилиэгэр эмиэ үөрүүлээх быһыыга-майгыга арыллыаҕа. 2025 сыллаахха Саха Өрөспүүбүлүкэтин Ил Дархана Айсен Сергеевич Николаев көҕүлээһининэн тыа хаһаайыстыбатын сайыннарыыга саҥа механизым үлэтин саҕалаабыта. Бу саҥа ньыманнан улуустарга тыа хаһаайыстыбатын сайыннарыы боломуочуйалара туттарыллыбыттара, ол эбэтэр, өрөспүүбүлүкэттэн улуустарга тыа хаһаайыстыбатын сайыннарыыга анаммыт үбү улуустар бэйэбит көрүүбүтүнэн бырагырааммалары олохтоон үллэрэр кыахтаммыппыт. Бу саӈа саҕалааһын олохтоох бэйэни салайыныыга сүрдээх улахан итэҕэл, олохтоохтор кыһалҕаларын билэр дьоҥҥо толору көҥүл бэриллиитэ буолбута. Биһиги улууспут баһылыга Валерий Валерьевич Николаев бу саҥа механизымы сөптөөхтүк туһанан, улууска "Кыра кыамталаах хотоннору тутуу уонна саҥардыы" бырагыраамматын үлэлэтэн, Үөһээ Бүлүүгэ икки сыл иһигэр 5 хотон, Сургуулукка, Намҥа, Үөһээ Бүлүүгэ, Тамалакааҥҥа, Мэйиккэ тутуллан үлэҕэ киирдилэр. Бу бырайыактар – биһиги улууспут тыатын хаһаайыстыбатын сайдыытыгар, аһынан-үөлүнэн хааччыллыытыгар күүстээх тирэх буолаллар. Хас биирдии саҥа хотон – тыа сирин олохтоохторун кэскилэ, дойдубут экэниэмикэтэ бигэтик сайдарыгар киллэриллибит сүдү кылаат. Маннык өйөбүл баар буолан, улууспутугар үлэлиир-хамсыыр, үүт, эт аһынан хааччыйар хаһаайыстыбалар өссө күүскэ сайда туруохтара диэн бигэ эрэллээхпит. Биһиги Ил Дархаммыт Айсен Сергеевич Николаев инникини өтө көрөр бэлиитикэтин уонна улуус баһылыгын Валерий Николаев таһаарыылаах, мындыр үлэтин түмүгэр Сахабыт Сирэ, ол иһигэр Үөһээ Бүлүү улууһа, кэскиллээх сайдыы суолунан эрэллээхтик хардыылыыр. Тыа хаһаайыстыбатын өйөөһүн – биһиги кэскилбит бигэ туругун төрүтэ! #ВместеТолькоВперед #СельскоеХозяйство #ТыаХаһаайыстыбата